കൊച്ചിയിൽ നടി അക്രമിക്കപ്പെട്ട സംഭവത്തിൽ അമ്മയിൽ നിന്നും പുറത്താക്കിയ ദിലീപിന്റെ വീണ്ടും തിരിച്ചെടുക്കുന്നതിനെ അനുകൂലിച്ച ഇടത് എം എൽ എമാരായ മുകേഷിനോടും ഗണേഷ് കുമാറിനോടും സി പി എം വിശദികരണം തേടില്ല. അമ്മ എക്സിക്യൂട്ടീവ് അംഗങ്ങളായ ഇരുവരോടും വിശദീകരണം തേടേണ്ടതില്ല എന്ന് വെള്ളിയാഴ്ച ചേർന്ന സസ്ഥാന കമ്മറ്റി യോഗത്തിൽ തീരുമാനമെടുത്തു.

വിഷയത്തിൽ സി പി എം എംഎൽഎമാർ കൂടിയായ അമ്മ അംഗങ്ങൾ സംഭവത്തിൽ നിരുത്തരവാദപരമായ നിലാപാടാണ് സ്വീകരിച്ചത് എന്ന് നേരത്തെ വിമർശനം ഉയർന്നിരുന്നു. സാഹചര്യത്തിലാണ് സംസ്ഥാന കമ്മറ്റി യോഗത്തിൽ ഇത് ചർച്ചയായത്. അമ്മ അംഗങ്ങളായ എം എൽ എമാരുടെ നിലപാട് സർക്കാരിന്റെ നിലപാടല്ല എന്ന് സി പി എം വിശദികരണം നൽകുകയും ചെയ്തിരുന്നു.

സംഭവത്തിൽ ഇടത് എം എൽ എമാരെ വനിത കമ്മീഷൻ അധ്യക്ഷ എം സി ജോസഫൈൻ രൂക്ഷമായ ഭാഷയിൽ വിന്മർഷിച്ചിരുന്നു. വിഷയത്തിൽ ജന പ്രതിനിധികൾ ഔചിത്യ ബോധം കാട്ടേണ്ടിയിരുന്നു എന്നും. പ്രശ്നത്തെ അവധാനതയോടെ കാണാൻ ഇവർക്കായില്ലെന്നുമായിരുന്നു വനിത കമ്മീഷൻ അധ്യക്ഷയുടെ വിമർശനം.