സംസ്ഥാനത്ത് ഇന്ന് 10 പേർക്ക് കൊവിഡ് സ്ഥിരീകരിച്ചതായി മുഖ്യമന്ത്രി പിണറായി വിജയൻ. ഇടുക്കിയിൽ നാല് പേർക്കും കോഴിക്കോടും കോട്ടയത്തും രണ്ട് പേർക്കും തിരുവനന്തപുരം,കൊല്ലം ജില്ലകളിൽ ഓരോ ആളുകൾക്കുമാണ് ഇന്ന് രോഗം സ്ഥിരീകരിച്ചത്.

അതേസമയം ചികിത്സയിലിരുന്ന 8 പേരുടെ ഫലം ഇന്ന് നെഗറ്റീവായി. കാസർകോട് ആറ് പേർക്കും, മലപ്പുറം കണ്ണൂർ ജില്ലകളിൽ ഓരോരുത്തർക്കുമാണ് രോഗം ഭേദമായത്. ഇന്ന് രോഗം സ്ഥിരീകരിച്ചവരിൽ 4 പേർക്ക് സമ്പർക്കം വഴിയാണ് രോഗം വന്നത്. ഇതോടെ സംസ്ഥാനത്തെ കൊവിഡ് ബാധിതരുടെ എണ്ണം 447 ആയി. ഇതിൽ 129 പേരാണ് സംസ്ഥനത്ത് വിവിധ ആശുപത്രികളിൽ ചികിത്സയിലുള്ളത്.