അഭിറാം മനോഹർ|
Last Modified വെള്ളി, 9 ജൂലൈ 2021 (19:15 IST)
എറണാകുളം ജില്ലയിൽ പശുക്കളുടെ മേൽ ആസിഡ് ആക്രമണം. സാമൂഹ്യവിരുദ്ധരാണ് പശുക്കളുടെ മേൽ ആസിഡ് ഒഴിച്ചത്. നാലു പശുക്കൾക്ക് സാരമായ പൊള്ളലേറ്റിട്ടുണ്ട്.
കോതമംഗലം കവളങ്ങാട് പഞ്ചായത്തിലാണ് സംഭവം. പശുക്കളുടെ ഉടമകൾ പോലീസിൽ പരാതി നൽകി.ഇതിന് സമാനമായ സംഭവങ്ങൾ മുൻപും ഉണ്ടായിട്ടുള്ളതായി സമീപവാസികൾ പറയുന്നു. സംഭവത്തിൽ പോലീസ് അന്വേഷണം ആരംഭിച്ചു.
രാവിലെ മേയ്ക്കാൻ വിട്ട പശുക്കൾക്ക് നേരെയാണ് അക്രമണം ഉണ്ടായത്. വൈകീട്ട് തിരിച്ച് വീട്ടിലേക്ക് കൊണ്ടുവരുമ്പോഴാണ് ആസിഡ് ഒഴിച്ചത് ശ്രദ്ധയിൽ പെട്ടത്. അക്രമികളെ ഇതുവരെ തിരിച്ചറിഞ്ഞിട്ടില്ല. ഇവരെ കണ്ടെത്താനുള്ള തീവ്രശ്രമത്തിലാണ് പോലീസ്.
