ആറ്റിങ്ങള്‍ മുന്‍ എംപി എ സമ്പത്ത് സര്‍ക്കാരിന്റെ പ്രത്യേക പ്രതിനിധി സ്ഥാനം രാജിവച്ചു. ഡല്‍ഹി കേരള ഹൗസിലായിരുന്നു സമ്പത്ത് ക്യാബിനറ്റ് റാങ്കോടെ പ്രത്യേക ചുമതല വഹിച്ചിരുന്നത്. രാജിക്കത്ത് മുഖ്യമന്ത്രിക്ക് കൈമാറിയിട്ടുണ്ട്. എകെജി സെന്ററിലെത്തി തീരുമാനം പാര്‍ട്ടി നേതൃത്വത്തെ അറിയിച്ചു.

നിയമസഭാ തിരഞ്ഞെടുപ്പില്‍ എ സമ്പത്ത് മത്സരിക്കാനുള്ള സാധ്യതയാണുള്ളത്. ക്യാബിനറ്റ് റാങ്കോടെയുള്ള സമ്പത്തിന്റെ നിയമനം നേരത്തേ വിവാദങ്ങള്‍ക്ക് വഴി വച്ചിരുന്നു. 2019 ഓഗസ്റ്റ് 13നായിരുന്നു സമ്പത്ത് ചുമതല ഏറ്റിരുന്നത്.