15 കുരങ്ങുകളെ വിഷം കൊടുത്തുകൊന്നു, അന്വേഷണം ഊര്‍ജ്ജിതം
തിരുവനന്തപുരം|
WEBDUNIA|
PRO
15 കുരങ്ങുകളെ വിഷം കൊടുത്തു കൊന്നു. പാലോട് ജവഹര്‍ കോളനി സേനാനിപുരത്താണ് സംഭവം. ഫ്യൂരിഡാന് കലര്‍ത്തിയ ആഹാരം നല്‍കിയാണ് കുരങ്ങുകളെ കൊന്നൊടുക്കിയത്.
ഈ സംഭവവുമായി ബന്ധപ്പെട്ട് സേനാനിപുരത്തെ ഒരു കരാര്‍ തൊഴിലാളിയെ പൊലീസ് സംശയിക്കുന്നുണ്ട്. വനപാലകര്‍ നടത്തിയ തിരച്ചിലില്‍ ഒരാളുടെ സ്ഥലത്ത് ഒളിപ്പിച്ച നിലയില്‍ ഏഴ് കുരങ്ങുകളുടെ ശവശരീരങ്ങള്‍ കണ്ടെടുത്തു.
ആറുമാസം മുതല്‍ ഏഴുവയസുവരെ പ്രായമുള്ള കുരങ്ങുകള്‍ ചത്തതായാണ് റിപ്പോര്‍ട്ട്. സംഭവത്തിത്തേക്കുറിച്ച് വിശദമായ അന്വേഷണം നടത്തുമെന്നാണ് സൂചന. ഡി എഫ് ഒ തിങ്കളാഴ്ച സ്ഥലം സന്ദര്‍ശിക്കുന്നുണ്ട്.
ചത്ത കുരങ്ങുകളെ ഒരാള്‍ കൂട്ടത്തോടെ എടുത്തുകൊണ്ടുപോകുന്നത് ശ്രദ്ധയില്‍ പെട്ട നാട്ടുകാരാണ് പാലോട് റേഞ്ച് ഓഫീസില്‍ വിവരം അറിയിച്ചത്. തുടര്‍ന്ന് നടത്തിയ അന്വേഷണത്തിലാണ് പതിനഞ്ച് കുരങ്ങുകള്‍ ചത്തതായി അറിയാന്‍ കഴിഞ്ഞത്.
