രേണുക വേണു|
Last Updated:
തിങ്കള്‍, 19 ഓഗസ്റ്റ് 2024 (08:39 IST)
കേരള കയര്‍ തൊഴിലാളി ക്ഷേമനിധി ബോര്‍ഡില്‍ നിന്നും നിലവില്‍ പെന്‍ഷന്‍ കൈപ്പറ്റി കൊണ്ടിരിക്കുന്ന എല്ലാ ഗുണഭോക്താക്കളും ഓഗസ്റ്റ് 24 നുള്ളില്‍ മസ്റ്റര്‍ ചെയ്യണം. ആധാര്‍ കാര്‍ഡും പെന്‍ഷന്‍ രേഖകളുമായി അക്ഷയ കേന്ദ്രങ്ങളില്‍ എത്തി 2024 വാര്‍ഷിക മസ്റ്ററിങ് നടത്താവുന്നതാണ്.
മസ്റ്ററിങ് ശരിയായില്ലെങ്കില്‍ മസ്റ്റര്‍ ഫെയില്‍ഡ് റിപ്പോര്‍ട്ടും ലൈഫ് സര്‍ട്ടിഫിക്കറ്റും സഹിതം ക്ഷേമനിധി ബോര്‍ഡിന്റെ ബന്ധപ്പെട്ട ഓഫീസില്‍ സമര്‍പ്പിക്കണം.
മസ്റ്ററിങ് നടത്താത്ത പെന്‍ഷന്‍കാര്‍ക്ക് തുടര്‍ന്നുള്ള പെന്‍ഷന്‍ ലഭിക്കില്ല എന്നതിനാല്‍പ്രസ്തുത തിയതിക്കുള്ളില്‍ മസ്റ്റര്‍ ചെയ്ത് പെന്‍ഷന്‍ ആനുകൂല്യം ഉറപ്പാക്കണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിക്കുന്നു.
