ആതിരയുടെ ആവശ്യം വീട്ടുകാര്‍ കേട്ടില്ല, ആയിഷ ആയി തുടരാണാനിഷ്ടമെന്ന് കോടതിയോട് ആതിര!

ശനി, 29 ജൂലൈ 2017 (10:41 IST)

അനുബന്ധ വാര്‍ത്തകള്‍

കണിയാംപാടിയില്‍ നിന്നും കാണാതായ ആതിരയെന്ന പെണ്‍കുട്ടിയെ പൊലീസ് കണ്ണൂരില്‍ നിന്നും കണ്ടെത്തി. ആതിരയെ പൊലീസ് ഹോസ്ദുർഗ് ജുഡീഷ്യൽ മജിസ്ട്രേറ്റിന്റെ വസതിയില്‍ ഹാജരാക്കി. ആരുടെ കൂടെ പോകാനാണ് താല്‍പ്പര്യമെന്ന് കോടതി ചോദിച്ചപ്പോള്‍ ‘ഇസ്ലാം മതത്തില്‍ തുടരാന്‍ സമ്മതിക്കുമെങ്കില്‍ വീട്ടുകാരുടെ കൂടെ പോകാന്‍ സമ്മതമാണെന്ന്’ ആതിരയെന്ന പറഞ്ഞു.
 
മതപഠനത്തിനായി വീടു വിട്ടു പോകുന്നുവെന്ന് കത്തെഴുതിയ ശേഷമായിരുന്നു വീട്ടില്‍ നിന്നുമിറങ്ങിയത്. എന്നാല്‍, ആതിര ഐ എസില്‍ ചേരാനാണ് പോയതെന്നും ഐ എസ് തീവ്രവാദികളാണ് ആതിരയുടെ മതം മാറലിനു പിന്നിലെന്നും ആരോപണങ്ങള്‍ ഉയര്‍ന്നിരുന്നു. തന്നെ കുറിച്ച് മോശം കാര്യങ്ങള്‍ പ്രചരിച്ചതറിഞ്ഞാണ് ആതിര കോടതിയില്‍ മുമ്പാകെ ഹാജരാകാന്‍ സമ്മതം അറിയിച്ചത്.
 
തന്നെ ആരും തട്ടിക്കൊണ്ടുപോയതല്ലെന്നും, സ്വന്തം ഇഷ്ടപ്രകാരം മതപഠനത്തിനായി പോയതായിരുന്നുവെന്നുമാണ് ആതിര മജിസ്ട്രേറ്റിനോട് പറഞ്ഞത്. ബിരുദാനന്തര ബിരുദ വിദ്യാർത്ഥിയായിരുന്ന ആതിരയെ ജൂലായ് 10 മുതലാണ് കാണാതായത്. വീട്ടിലേക്ക് പോകുന്ന കാര്യം ചോദിച്ചപ്പോള്‍ ഇസ്ലാമായി തുടരാനാണ് താല്പ്പര്യമെന്ന് ആതിര പറഞ്ഞപ്പോള്‍ മാതാപിതാക്കള്‍ അനുവദിച്ചില്ല. ആയിഷയെ വീട്ടിലേക്ക് കയറ്റാന്‍ സമ്മതമല്ലെന്ന് അവര്‍ അറിയിച്ചു.
 
തുടർന്ന് യുവതിയെ സ്വന്തം ഇഷ്ടത്തിന് വിട്ട കോടതി, പരവനടുക്കം മഹിളാ മന്ദിരത്തിൽ പാർപ്പിക്കാൻ നിർദേശിച്ചു. തുടർന്ന് പോലീസ് സാന്നിദ്ധ്യത്തിൽ ആതിരയെ മഹിളാമന്ദിരത്തിലേക്ക് കൊണ്ടുപോയി.
 



ഇതിനെക്കുറിച്ച് കൂടുതല്‍ വായിക്കുക :  

വാര്‍ത്ത

news

ദിലീപിന്റെ മാനേജര്‍ അപ്പുണ്ണി ഇന്ന് ഹാജരായേക്കും ; കുറ്റം ചെയ്തിട്ടില്ലെങ്കില്‍ ഭയം എന്തിനെന്ന് കോടതി

കൊച്ചിയില്‍ നടിയെ ആക്രമിച്ച കേസില്‍ നടന്‍ ദിലീപിന്റെ മാനേജര്‍ അപ്പുണ്ണിക്ക് ഹൈക്കോടതി ...

news

‘മന്ത്രിമാരും സിപിഐഎം നേതാക്കളും റോഡിലിറങ്ങാന്‍ രണ്ടുവട്ടം ആലോചിക്കേണ്ടി വരും’; ഭീഷണിയുമായി കെ സുരേന്ദ്രന്‍

സിപിഐഎം നേതാക്കള്‍ക്കെതിരെ രൂക്ഷവിമര്‍ശനവുമായി ബിജെപി സംസ്ഥാന ജനറല്‍ സെക്രട്ടറി കെ. ...

news

ബിനീഷ് കോടിയേരിയുടെ വീട് ആക്രമിച്ച സംഭവം: മൂന്നുപേർ അറസ്റ്റില്‍

ബിനീഷ് കോടിയേരിയുടെ വീടിനു നേരെ ആക്രമണം നടത്തിയ സംഭവവുമായി ബന്ധപ്പെട്ട് മൂന്നുപേർ ...

news

മകളെയും മകനെയും കൊല്ലാന്‍ ഇന്ദ്രാണി പദ്ധതിയിട്ടിരുന്നു; ഞെട്ടിക്കുന്ന വെളിപ്പെടുത്തലുമായി ഡ്രൈവര്‍

ഷീന ബോറ കൊലക്കേസില്‍ ഇന്ദ്രാണി മുഖര്‍ജിക്കെതിരെ ഗുരുതരമായ വെളിപ്പെടുത്തലുമായി ഡ്രൈവര്‍‍. ...