ന്യൂഡല്‍ഹി|
jibin|
Last Modified വ്യാഴം, 13 ഏപ്രില്‍ 2017 (16:56 IST)
ഇന്ത്യന്‍ ക്രിക്കറ്റ് വിരാട് കോഹ്‌ലിക്ക് ചുറ്റും കറങ്ങാന്‍ തുടങ്ങിയിട്ട് കുറച്ച് വര്‍ഷങ്ങളായി. സച്ചിന്‍ തെന്‍‌ഡുല്‍ക്കറിന് ശേഷം ഇത്രയും ആരാധന ലഭിച്ച ഒരു താരവും ഇന്ത്യന്‍ ടീമിലില്ല.
ഐ പി എല്‍ പത്താം സീസണില്‍ പരുക്ക് മൂലം കളിക്കാതിരുന്നിട്ടും കോഹ്‌ലി തന്നെയാണ് ആരാധകരുടെ പ്രീയതാരം. സോഷ്യല്‍ മീഡിയകളില്‍ അദ്ദേഹമാണ് സൂപ്പര്‍താരം. ഫേസ്‌ബുക്കും ഇന്‍‌സ്‌റ്റഗ്രാമും ഔദ്യോഗികമായി പുറത്തുവിട്ട പത്രക്കുറിപ്പിലാണ് ഈ വിവരമുള്ളത്.
ഈ സീസണില്‍ ഒരു മത്സരം പോലും കളിച്ചില്ലെങ്കിലും ഏറ്റവും കൂടുതല്‍ ആളുകള്‍ പിന്തുടരുന്നതും, ലൈക്കുകള്‍ കൂടുതല്‍ ലഭിക്കുന്നതും കോഹ്‌ലിക്കാണ്.
മഹേന്ദ്ര സിംഗ് ധോണി, യുവരാജ് സിംഗ്, രോഹിത് ശര്‍മ്മ, ഷക്കീബുല്‍ ഹസ്സന്‍, ക്രിസ് ഗെയ്ല്‍, ശിഖര്‍ ധവാന്‍, ഗൗതം ഗംഭീര്‍, ഹര്‍ഭജന്‍ സിംഗ്, ഗ്ലെന്‍ മാക്‌സ്‌വെല്‍ എന്നിവരാണ് ഫേസ്‌ബുക്ക് ആരാധകരുടെ കാര്യത്തില്‍ കോഹ്‌ലിക്ക് തൊട്ടുപിന്നിലുള്ളത്.
ഓസ്‌ട്രേലിയക്കെതിരായ മൂന്നാം ടെസ്‌റ്റില്‍ തോളിന് പരുക്കേറ്റതാണ് കോഹ്‌ലിക്ക് ഐപിഎല്ലില്‍ തിരിച്ചടിയായത്. അതേസമയം, പരുക്ക് മാറിയെന്നും വെള്ളിയാഴ്‌ച നടക്കുന്ന മത്സരത്തില്‍ കളിക്കുമെന്നും അദ്ദേഹം അറിയിച്ചിട്ടുണ്ട്.
