‘ഗങ്നം സ്റ്റൈല്’ വിജയം ആവര്‍ത്തിക്കാന്‍ സൈ വീണ്ടും!
സിയോള്‍|
WEBDUNIA|
PRO
PRO
പോയവര്‍ഷം ‘ഗങ്നം സ്റ്റൈല്‘ ലോകം മുഴുവന്‍ സൃഷ്ടിച്ച തരംഗം കെട്ടടങ്ങും മുമ്പേ സൈ തന്റെ പുതിയ പാട്ടുമായി എത്തുന്നു. കൊറിയന്‍ പോപ്പ് ഗായകന് സൈ തന്നെ ആയിരിക്കുമോ 2013ലെയും യൂട്യൂബ് താരം എന്നറിയാന്‍ ഇനി അധികം കാത്തിരിക്കേണ്ട. ഏപ്രില്‍ 13ന് സിയോളിലെ സാങ്ഗം ലോകകപ്പ് സ്റ്റേഡിയത്തിലാണ് ഗാനത്തിന് ഉത്ഘാടനം. സൈ തന്നെയാണ് ട്വിറ്ററിലൂടെ ഇക്കാര്യം അറിയിച്ചത്.
പുതിയ ഗാനത്തെക്കുറിച്ച് ഒരു സൂചനവും സൈ പുറത്തുവിട്ടിറ്റില്ല. എല്ലാവരും വെള്ളവസ്ത്രം ധരിച്ച് വരണം എന്ന് സൈ അഭ്യര്‍ത്ഥിച്ചിട്ടുണ്ട്. കുതിരച്ചാട്ടവുമായി ആളുകളെ ഇളക്കിമറിച്ച സൈ നിരാശപ്പെടുത്തില്ല എന്ന് തന്നെയാണ് ഏവരും പ്രതീക്ഷിയ്ക്കുന്നത്.
‘ഗങ്നം സ്റ്റൈല്‘ ഗാനത്തിലൂടെ സൈ പോക്കറ്റിലാക്കിയത് 43 കോടിയിലധികം രൂപയാണ്. പരസ്യങ്ങളിലൂടെയുള്ള വരുമാനം വേറെയും. ഗിന്നസ് ബുക്കിലും ഗങ്നം സ്റ്റൈല് ഇടം‌പിടിച്ചു. യുട്യൂബില്‍ ഏറ്റവും കൂടുതല്‍ തവണ പ്ലേ ചെയ്ത ഈ വീഡിയോ 100 കോടിയിലധികം തവണ ആളുകള്‍ കണ്ടു.
