ഒബാമ ആണോ മിഷേല് ആണോ സ്ത്രീകളെ ഹോട്ടാക്കുന്നത്? മിഷേലാണ് സ്ത്രീകളുടെ ‘ഹോട്ട്’ താരമെന്ന് ഒരു സര്വെ വെളിപ്പെടുത്തുന്നു!
യുഎസിലെ ‘ക്വിന്നിപിയാക്സ് നാഷണല്‍ തെര്‍മോ‌മീറ്റര്‍’ സര്‍വെയിലാണ് ഒബാമയെ മറികടന്ന് മിഷേല് സ്ത്രീകളുടെ ഹോട്ട് താരമായത്. ഒബാമയും മിഷേലുമുള്‍പ്പെടെയുള്ളവരെ പൂജ്യം മുതല്‍ 100 ഡിഗ്രി വരെയുള്ള ഹോട്ട് റേറ്റിംഗില്‍ ഉള്‍പ്പെടുത്താനാണ് ആവശ്യപ്പെട്ടിരുന്നത്.
സ്ത്രീകള്‍ക്ക് ഒബാമയെക്കാള്‍ മൂന്ന് ഡിഗ്രി അധികം ഹോട്ട് ആയി തോന്നുന്നത് നാല്‍പ്പത്തിയേഴുകാരിയായ മിഷേലിനെ ആണെന്ന് സര്വെ ഫലം പറയുന്നു. 60.1 ഡിഗ്രി റേറ്റിംഗ് ലഭിച്ച മിഷേലാണ് സര്‍വെയില്‍ ഒന്നാമതെത്തിയത്. ഒബാമയ്ക്ക് നാലാം സ്ഥാനത്ത് എത്താനെ കഴിഞ്ഞുള്ളൂ എന്നതാണ് രസകരമായ വസ്തുത.
മിഷേല് 80 ഡിഗ്രിവരെ ഹോട്ടാണെന്നാണ് സ്ത്രീകള്‍ പ്രതികരിച്ചത്. എന്നാല്‍, 22 ശതമാനം പുരുഷന്‍‌മാര്‍ മാത്രമേ ഇതിനെ അനുകൂലിച്ചുള്ളൂ. അതേസമയം, ന്യൂജഴ്സി ഗവര്‍ണര്‍ ക്രിസ് ക്രിസ്റ്റിയാണ് പുരുഷന്‍‌മാരുടെ ഹോട്ട് താരം. ക്രിസ്റ്റിക്ക് ലഭിച്ച റേറ്റിംഗ് 57 ശതമാനമാണ്. സര്‍വെയില്‍ പ്രതികരിച്ച 13 ശതമാനം സ്ത്രീകള്‍ ക്രിസ്റ്റി 60 ഡിഗ്രി വരെ ഹോട്ട് ആണെന്ന് അഭിപ്രായപ്പെട്ടു. ക്രിസ്റ്റിയാണ് സര്‍വെയില്‍ രണ്ടാം സ്ഥാനത്ത് എത്തിയ ഹോട്ട് താരവും.
