ഒബാമയെ റേഡിയേഷന് ഉപയോഗിച്ച് വധിക്കാനുള്ള നീക്കം തകര്‍ത്തു: എഫ് ബി ഐ
വാഷിംഗ്ടണ്‍|
WEBDUNIA|
Last Modified വെള്ളി, 21 ജൂണ്‍ 2013 (18:13 IST)
PRO
PRO
അമേരിക്കന്‍ പ്രസിഡന്റ് ബറാക് ഒബാമയെ റേഡിയേഷന് ഉപയോഗിച്ച് വധിക്കാനുള്ള നീക്കം എഫ് ബി ഐ തകര്‍ത്തെന്ന് റിപ്പോര്‍ട്ട്. മാരകമായ എക്‌സറെ ആയുധം ഉപയോഗിച്ച് ഒബാമയെ കൊലപ്പെടുത്താനായിരുന്നു പദ്ധതി. ഒബാമയെ രക്ഷിച്ചത് എഫ് ബി ഐയുടെ ഇടപെടലാണ് വിവരം.
ബോസ്റ്റണ്‍ സ്‌ഫോടനങ്ങളില്‍ ഒബാമ സ്വീകരിച്ച നിലപാടില്‍ പ്രതിഷേധിച്ചായിരുന്നു ഈ വധശ്രമം. മതിയായ പരിശോധന കൂടാതെ ഒബാമ മുസ്ലീംജനതയെ രാജ്യത്തേക്ക് കടത്തിവിടാന്‍ നിര്‍ദേശം നല്‍കിയെന്നും ഇത്തരത്തിലുള്ള ഒബാമയുടെ നയങ്ങളാണ് ബോസ്റ്റണ്‍ സ്‌ഫോടനങ്ങള്‍ക്ക് കാരണമെന്നും അക്രമികള്‍ പറയുന്നു. ഇതിലുള്ള പ്രതിഷേധമാണ് ഒബാമയെ വധിക്കാന്‍ അക്രമികളെ പ്രേരിപ്പിച്ചത്തെന്ന് അക്രമികളുടെ ചോര്‍ത്തിയ ഫോണ്‍, വെബ്സൈറ്റ് രേഖകളില്‍ നിന്ന് എഫ് ബി ഐ മനസ്സിലാക്കി.
എക്‌സറേയില്‍ നിന്നു വരുന്ന കനത്ത റേഡിയേഷന് ഉപയോഗിച്ച് ഒബാമയെ വധിക്കാനായിരുന്നു ആക്രമികളുടെ പദ്ധതി. ഇത്തരമൊരു പദ്ധതിയുടെ പിന്നില്‍ പ്രവര്‍ത്തിച്ചെന്ന് കരുതുന്ന രണ്ടു പേരെ നേരത്തെ തന്നെ എഫ് ബി ഐ അറസ്റ്റ് ചെയ്തിരുന്നു.
