ഇന്ത്യയിലെ ചേരിപ്രദേശങ്ങള്ക്ക് ബ്രിട്ടന്റെ സാമ്പത്തിക സഹായം. 14.5 മില്യണ് പൌണ്ട്സിന്റെ സഹായമാണ് ചേരികള്ക്ക് യു കെ നല്കുന്നത്. ഇന്ത്യയിലെ ചേരിപ്രദേശങ്ങളില് വസിക്കുന്ന എട്ട് മില്യണ് ജനങ്ങള്ക്ക് ഇതിന്റെ പ്രയോജനം ലഭിക്കും.
ചേരിപ്രദേശങ്ങളില് താമസിക്കുന്നവര്ക്ക് ശുദ്ധജലം, ശുചിയായ പരിസരം, മികച്ച താമസസൌകര്യം എന്നിവയാണ് ഈ സഹായത്തിലൂടെ ബ്രിട്ടന് ലക്ഷ്യമിടുന്നത്. ഈ ധനസഹായം ദാരിദ്ര്യത്തിനെതിരെയുള്ള പോരാട്ടത്തിന് ഗുണമാകുമെന്ന് ഇന്ത്യയിലെയും ആഫ്രിക്കയിലെയും നഗരങ്ങളുടെ ഭാവിയെക്കുറിച്ചുള്ള ഉന്നതതല യോഗത്തില് സംസാരിക്കവേ യു കെയുടെ അന്താരാഷ്ട്ര വികസന മന്ത്രി ഗരേത് തോമസ് പറഞ്ഞു.
ഇന്ത്യയിലെ 20 നഗരങ്ങളിലെ ചേരിപ്രദേശങ്ങളില് കുടിവെള്ളമെത്തിക്കാനുള്ള പൈപ്പ് ലൈന് സ്ഥാപിക്കുന്നതിനായാണ് ഈ തുകയുടെ ഒരു ഭാഗം വിനിയോഗിക്കുക. ഇത് ഉടന് തന്നെ നടപ്പാക്കും. അതിനു ശേഷം ശുചീകരണ പ്രവര്ത്തനങ്ങള് ആരംഭിക്കും.
സ്ലംഡോഗ് മില്യണയര് പോലെ ഇന്ത്യന് ചേരിപ്രദേശങ്ങളുടെ ദയനീയത വ്യക്തമാക്കുന്ന ഹോളിവുഡ് ചിത്രങ്ങള് ഇത്തരം അന്താരാഷ്ട്ര സഹായങ്ങള്ക്ക് ഒരു മുഖ്യ കാരണമാണ്.