നയ്റോബി|
Last Modified ശനി, 22 നവം‌ബര്‍ 2014 (16:24 IST)
കെനിയന്‍ തലസ്ഥാനമായ നയ്റോബിയിലേക്ക് പോകുകയായിരുന്ന ബസ് തീവ്രവാദികള്‍ ആക്രമിച്ചു. ആക്രമത്തില്‍ 28 പേര്‍ കൊല്ലപ്പെട്ടു. സൊമാലിയന്‍ അതിര്‍ത്തിക്ക് സമീപം മന്തേരയില്‍ വച്ചായിരുന്നു ആക്രമണം. സൊമാലിയന്‍ തീവ്രവാദ ഗ്രൂപ്പായ അല്‍-ഷബാബാണ് ആക്രമണത്തിന് പിന്നിലെന്നാണ് റിപ്പോര്‍ട്ട്.
2011 മുതലാണ് സൊമാലിയ ആസ്ഥാനമായുള്ള അല്‍-ഷബാബ് ഗ്രൂപ്പ് കെനിയയ്ക്കെതിരെ ശക്തമായ ആക്രമണങ്ങള്‍ നടത്താനാരംഭിച്ചത്. സൊമാലിയയിലെ തീവ്രവാദികള്‍ക്കെതിരെ പൊരുതുന്നതിനായി
കെനിയ സൈന്യത്തെ അയക്കാന്‍ തീരുമാനിച്ചതില്‍ പ്രതിഷേധിച്ചായിരുന്നു ഇത്.
ഇന്നു പുലര്‍ച്ചെയാണ് തീവ്രവാദികള്‍ ബസ് ആക്രമിച്ചതെന്ന് കെനിയന്‍ ആഭ്യന്തര മന്ത്രാലയം സ്ഥിരീകരിച്ചിട്ടുണ്ട്. ബസില്‍ 60 യാത്രാക്കാരാണുണ്ടായിരുന്നത്.
