വാഷിംഗ്‌ടണ്‍|
jibin|
Last Modified വ്യാഴം, 16 നവം‌ബര്‍ 2017 (11:28 IST)
ലോകത്താകമാനം ആരാധകരുള്ള നടനാണ് മിസ്റ്റര് ബീന്‍ എന്ന റൊവാന്‍ അറ്റ്കിന്‍സണ്‍. ആരെയും ചിരിപ്പിക്കാനുള്ള അസാധാരണമായ മികവാണ് ബീനിന്‍ പ്രേഷകരെ സമ്മാനിച്ചത്.
എന്നും വാര്‍ത്തകളില്‍ നിറഞ്ഞു നില്‍ക്കുന്ന താരം കൂടിയാണ് അറുപത്തിരണ്ടുകാരനായ മിസ്റ്റര് ബീന്‍. ആരാധകരുടെ ഇഷ്‌ടതാരമായാ ബീന്‍ അച്ഛനാകാന്‍ പോകുന്ന വിവരമാണ് ഇപ്പോള്‍ മാധ്യമങ്ങളില്‍ നിറയുന്നത്.
ബീനിന്റെ കാമുകിയും നടയുമായ ലൂയിസ് ഫോര്‍ഡ് ഗര്‍ഭിണിയാണ്. ഇരുവരും ഒന്നിച്ചുള്ളതും ലൂയിസിന്റെയും ചിത്രങ്ങള്‍ മാധ്യമങ്ങളിലൂടെ പുറത്തുവന്നു. ആദ്യ ബന്ധം 2013ല്‍ അവസാനിപ്പിച്ച റൊവാന്‍ അറ്റ്കിന്‍സണ്‍ മൂന്നു വര്‍ഷമായി മുപ്പത്തിമൂന്നുകാരിയായ ലൂയിസിനൊപ്പമാണ് താമസം.
ചാനല്‍ 4ന്റെ ഹാസ്യ പരിപാടികളിലൂടെയാണ് ബീനും ലൂയിസും അടുപ്പത്തിലായത്. 2013ല്‍ ഒരുമിച്ചൊരു നാടകം ചെയ്തതോടെയാണ് ഇരുവരും പ്രണയത്തിലാകുകയും താമസം ഒരുമിച്ചാക്കുകയുമായിരുന്നു.
ബിബിസിയിലെ മുന്‍ മേക്കപ്പ് ആര്‍ടിസ്‌റ്റും ഇന്ത്യന്‍ വംശജ സുനേത്ര ശാസ്ത്രിയാണ് ബീനിന്റെ ആദ്യ ഭാര്യ. ഈ ബന്ധത്തില്‍ രണ്ട് കുട്ടികളുണ്ട് ഇരുവര്‍ക്കും. മൂത്ത മകന് ഇരുപത്തിമൂന്നും രണ്ടാമത്തെ മകള്‍ക്ക് ഇരുപത്തിയൊന്നും വയസുണ്ട്.
