ഭാഗ്യം ഏതു വഴിയിലൂടെയാണ് വരുന്നത് എന്ന് പറയൻ കഴിയില്ല. ചിലപ്പോൾ വെറുതെ നടക്കാൻ ഇറങ്ങുമ്പോഴാകും അത് നമ്മേ തേടിയെത്തുക. രാവിലെ ഒരു രസത്തിന് നടക്കാനിറങ്ങിയ ഓസ്ട്രേലിയയിലെ കുടുംബത്തിന് വഴിയിൽവച്ച് കിട്ടിയത് അരക്കിലോയോളം തൂക്കം വരുന്ന സ്വർണക്കല്ല്. ലക്കി എന്ന വളർത്തുനായയെയുമൊത്ത് നടക്കാൻ ഇറങ്ങിയപ്പോഴാന് ഇവരെ ഭാഗ്യം തുണച്ചത്.

രണ്ട് പെൺകുട്ടികളെയും ലക്കി എന്ന വളർത്തുനായയേയും കൂട്ടിയാണ് പിതാവ് നടക്കൻ ഇറങ്ങീയത്. സ്വണക്കല്ല് കിടക്കുന്നത് ശ്രദ്ധിക്കാതെ താൻ നടന്നുമുന്നോട്ടു നീങ്ങിയിരുന്നു എന്നും കുസൃതിയായ തന്റെ മകൾ നടക്കുന്നതിനിടെ ഇത് തട്ടി തെറിപ്പിച്ചതോടെയാണ് കല്ല് ശ്രദ്ധയിൽപ്പെടുന്നത് എന്നും ബെൻഡിഗോ സ്വദേശിയായ വ്യക്തി പറയുന്നു.

566.99 ഗ്രാം തൂക്കം വരുന്ന സ്വർണക്കല്ലാണ് കുടുംബത്തിന് ലഭിച്ചത് ഇതിന് ഏകദേശം 24,000 ഡോളറാണ് മതിപ്പ്, ഇത് ഇന്ത്യൻ രൂപയിലേക്ക് കൺവേർട്ട് ചെയ്താൽ 17 ലക്ഷം രൂപയോളം വരും. സാമ്പത്തിക ബുദ്ധിമുട്ടുകൾ നേരിടുന്ന സമയത്താണ് ഈ ഭാഗ്യം തങ്ങളെ തേടിയെത്തിയത് എന്ന് കുടുംബം പറയുന്നു. സ്വർണക്കല്ല് വില്ക്കാനുള്ള തയ്യാറെടുപ്പിലാണ് ഈ കുടുംബം.