രാജ്യാന്തര ചലച്ചിത്രമേളയുടെ വിശിഷ്ടാതിഥികള്‍ക്കു ഉപഹാരമായി നല്‍കുന്ന ചുമര്‍ ചിത്രങ്ങളുടെ ഫോട്ടോ ശേഖരം വിദേശ പ്രതിനിധികള്‍ക്കു കൗതുകമായി. പലരും മേള കഴിഞ്ഞാല്‍ ചുമര്‍ ചിത്രങ്ങള്‍ ഉള്ള സ്ഥലങ്ങള്‍ സന്ദര്‍ശിക്കാനുള്ള തയ്യാറെടുപ്പിലാണ്‌.
ഉഷാ ഭാട്ടി‍യ എഡിറ്റു ചെയ്ത്‌ കേന്ദ്ര ലളിതകലാ അക്കാദമി പ്രസിദ്ധീകരിച്ച ഈ സചിത്ര വിവരണം വ്യത്യസ്തതയാര്ന്ന ശ്രദ്ധേയമായ ഉപഹാരമാണ്‌.
കേന്ദ്ര ലളിതകലാ അക്കാദമി തയ്യാറാക്കിയ ഫോട്ടോ ശേഖരത്തില്‍ പന്ത്രണ്ടോളം ചിത്രങ്ങളാണുള്ളത്‌. ക്ഷേത്രകലയുടെ ചരിത്രവും, തയ്യാറാക്കുന്ന രീതിയും മറ്റു വിവരങ്ങളും അടങ്ങിയ വിജ്ഞാനപ്രദമായ ഉപഹാരം കേരളീയ ചിത്രകലയ്ക്കുള്ള മേളയുടെ പ്രണാമമായി.
