ലിവർപൂൾ മുന്നേറ്റ നിര താരം മുഹമ്മദ് സലയ്‌ക്ക് കൊവിഡ് സ്ഥിരീകരിച്ചു. ഈജിപ്‌ത് ഫുട്‌ബോൾ അസോസിയേഷനാണ് ഇക്കാര്യം അറിയിച്ചത്. സലയ്ക്ക് കൊവിഡ് ലക്ഷണങ്ങൾ ഇല്ലായിരുന്നുവെന്നും ഇപ്പോൾ ഐസൊലേഷനിൽ കഴിയുകയാണെന്നും ഈജിപ്‌ഷ്യൻ എഫ്എ അറിയിച്ചു.

അതേസമയം സലയ്‌ക്ക് കൊവിഡ് പോസിറ്റീവായത് ഏറ്റവുമധികം ബാധിക്കുന്നത് ലിവർപൂളിനാകും.സെന്റർ ബാക്ക് വാൻഡെക്ക്, ജോ ഗോമസ് എന്നിവരുടെ പരിക്ക് ടീമിനെ വലയ്‌ക്കുന്നതിനിടെയാണ് സലയ്‌ക്ക് കൊവിഡ് സ്ഥിരീകരിച്ചിരിക്കുന്നത്. അതേസമയം ഫാബിനോ,അർണോൾഡ് എന്നിവരുടെ പരിക്ക് ആശങ്കപ്പെടുത്തുന്നതല്ല എന്നത് ലിവർപൂളിന് ആശ്വാസമാണ്.