ഡ്യൂറന്റ് കപ്പില്‍ സെമി ഫൈനല്‍ സ്ഥാനമുറപ്പിക്കാന്‍ കേരള ബ്ലാസ്റ്റേഴ്‌സ് ഇന്നിറങ്ങുന്നു. ഇന്ന് നടക്കുന്ന ക്വാര്‍ട്ടര്‍ ഫൈനല്‍ പോരാട്ടത്തില്‍ ബെംഗലുരു എഫ് സിയാണ് കൊമ്പന്മാരുടെ എതിരാളികള്‍. രാത്രി 7 മണിക്കാണ് ക്വാര്‍ട്ടര്‍ ഫൈനല്‍ പോരാട്ടം. മത്സരം തത്സമയം സോണി നെറ്റ്വര്‍ക്ക്, സോണി ലിവ്,ജിയോ ടിവി എന്നിവിടങ്ങളില്‍ കാണാന്‍ സാധിക്കും.

ഗ്രൂപ്പ് ഘട്ടത്തില്‍ ഗോളടിച്ചുകൂട്ടിയാണ് ബ്ലാസ്റ്റേഴ്‌സ് ക്വാര്‍ട്ടര്‍ ഫൈനലിലേക്ക് യോഗ്യത നേടിയത്. മുന്നേറ്റ നിരയില്‍ തകര്‍പ്പന്‍ ഫോമിലുള്ള നോഹ സദോയി,പെപ്ര കൂട്ടുക്കെട്ടിലാണ് കേരള ബ്ലാസ്റ്റേഴ്‌സിന്റെ പ്രതീക്ഷ. നായകനായി അഡ്രിയാന്‍ ലൂണയും ടീമിനൊപ്പമുണ്ട്.