എബിസിഡി: ‘ബെസ്റ്റ് ആക്ടര്‍’ മികവ് ആവര്‍ത്തിക്കാനായില്ല!
അനൈക നായര്‍
WEBDUNIA|
PRO
എ ബി സി ഡി. അമേരിക്കന്‍ ബോണ്‍ കണ്‍ഫ്യൂസ്ഡ് ദേശി. പടം കണ്ടിറങ്ങുന്ന പ്രേക്ഷകര്‍ അത്ര ഹാപ്പിയല്ല. ഭാഗികമായി രസിപ്പിക്കുന്ന ഈ സിനിമ പ്രതീക്ഷകള്‍ക്കൊത്ത് ഉയരുന്നില്ല. ‘ബെസ്റ്റ് ആക്ടര്‍’ എന്ന മികച്ച ഹിറ്റിന് ശേഷം മാര്‍ട്ടിന്‍ പ്രക്കാട്ട് സംവിധാനം ചെയ്ത ചിത്രം എന്ന നിലയില്‍ വലിയ പ്രതീക്ഷയുമായി തിയേറ്ററുകളിലെത്തുന്ന പ്രേക്ഷകര്‍ക്ക് അത്ര നല്ല വിരുന്ന് ഒരുക്കാന്‍ സംവിധായകന് കഴിഞ്ഞില്ല.
ജോണ്‍സ്(ദുല്‍ക്കര്‍ സല്‍മാന്‍), കോര(ജേക്കബ് ഗ്രിഗറി) എന്നിവരാണ് ചിത്രത്തിലെ നായകന്മാര്‍. അമേരിക്കയില്‍ വളര്‍ന്ന ഇവര്‍ക്ക് ഒരു പ്രത്യേക സാഹചര്യത്തില്‍ കേരളത്തിലേക്ക് വരേണ്ടിവരുന്നു. കേരളത്തിലും ഇവര്‍ അമേരിക്കന്‍ ലൈഫ് സ്റ്റൈലില്‍ ജീവിക്കാന്‍ ശ്രമിക്കുമ്പോഴുണ്ടാകുന്ന രസങ്ങളാണ് ചിത്രത്തിന്‍റെ ഹൈലൈറ്റ്.
