സുബിന്‍ ജോഷി|
Last Modified തിങ്കള്‍, 15 ഫെബ്രുവരി 2021 (12:20 IST)
തിയേറ്ററുകളില്‍ ഇടിമുഴക്കമാകാന്‍ വീണ്ടുമൊരു ജോഷി ചിത്രം ഒരുങ്ങുന്നു. ‘പാപ്പന്’ എന്ന് പേരിട്ടിട്ടുള്ള സിനിമയില്‍ സുരേഷ് ഗോപിയാണ് നായകന്‍.
ആര്‍ ജെ ഷാന്‍ തിരക്കഥയെഴുതുന്ന സിനിമ ക്രിസ്‌ത്യന്‍ പശ്‌ചാത്തലത്തിലുള്ള ഒരു ആക്ഷന്‍ ത്രില്ലറാണ്. ‘ലേലം’ പോലെ നിറയെ സ്റ്റണ്ടും ഡയലോഗുകളുമുള്ള സിനിമ ജോഷി - സുരേഷ്‌ഗോപി കോമ്പിനേഷന്‍റെ ശക്‍തമായ തിരിച്ചുവരവായിരിക്കും.
സമീപകാലത്ത് ഏറെ ചര്‍ച്ചാവിഷയമായ ഹ്രസ്വചിത്രം ‘ഫ്രീഡം ഐ മിഡ്‌നൈറ്റ്’ സംവിധാനം ചെയ്‌ത ആര്‍ ജെ ഷാന്‍ ‘C/O സൈറാബാനു’ എന്ന സിനിമയുടെ സഹ തിരക്കഥാകൃത്തുകൂടിയാണ്.
അജയ് ഡേവിഡ് കാച്ചപ്പിള്ളിയാണ് പാപ്പന് ക്യാമറ ചലിപ്പിക്കുന്നത്. ജെയ്‌ക്‍സ് ബിജോയ് ആണ് സംഗീതം. എഡിറ്റര്‍ ശ്യാം ശശിധരന്‍.
ഡേവിഡ് കാച്ചപ്പിള്ളി പ്രൊഡക്ഷന്‍‌സ് ആണ് ഈ ബിഗ്‌ബജറ്റ് സിനിമ നിര്‍മ്മിക്കുന്നത്.
