കെ ആര്‍ അനൂപ്|
Last Modified വെള്ളി, 26 മാര്‍ച്ച് 2021 (12:25 IST)
തന്റെ പഴയ സുഹൃത്തിനെ നാളുകള്‍ക്ക് ശേഷം വീണ്ടും കണ്ടതിന്റെ സന്തോഷത്തിലാണ് നടന്‍ റഹ്മാന്‍. 'ആറാട്ട്' ഷൂട്ടിംഗ് സെറ്റില്‍ അദ്ദേഹം എത്തി. അടുത്തിടെ മോഹന്‍ലാലും എ ആര്‍ റഹ്മാനും 'ആറാട്ട്' എന്ന ചിത്രത്തിലെ പ്രധാന സീക്വന്‍സ് ഒരുമിച്ച് ചിത്രീകരിച്ചിരുന്നു.ബി ഉണ്ണികൃഷ്ണന്‍ സംവിധാനം ചെയ്ത ചിത്രത്തില്‍ എ ആര്‍ റഹ്മാന്‍ അതിഥി വേഷത്തിലാണ് എത്തുന്നത്. കഴിഞ്ഞയാഴ്ച ചെന്നൈയില്‍ ഷൂട്ടിംഗ് നടന്നുകൊണ്ടിരിക്കുമ്പോഴാണ് നടന്‍ റഹ്മാന്‍ ഇരുവരെയും കാണാനായി എത്തിയത്.
'ആറാട്ട് സെറ്റില്‍. വളരെക്കാലം കഴിഞ്ഞ് പ്രിയ സുഹൃത്തിനോടൊപ്പം. അവന് ഇപ്പോഴും മാറ്റമില്ല. ആ ഉത്സാഹവും ഊര്‍ജ്ജവും.ക്ഷമിക്കണം ഞങ്ങളുടെ ചിറ്റ് ചാറ്റുകള്‍ സ്വകാര്യമാണ്.'- മോഹന്‍ലാലിനൊപ്പമുള്ള ചിത്രം പങ്കുവെച്ച് റഹ്മാന്‍ കുറിച്ചു.
മോഹന്‍ലാലും റഹ്മാനും ഒരുമിച്ച് നിരവധി ചിത്രങ്ങളില്‍ അഭിനയിച്ചിട്ടുണ്ട്. 'മഹാ സമുദ്രം', 'റോക്ക് & റോള്‍'തുടങ്ങിയ സിനിമകള്‍ ആ കൂട്ടത്തില്‍ ചിലത് മാത്രം.
