കെ ആര്‍ അനൂപ്|
Last Modified ശനി, 11 ഡിസംബര് 2021 (17:02 IST)
സുരേഷ് ഗോപി വീണ്ടും സിനിമാ തിരക്കുകളിലേക്ക്.ജോഷി സംവിധാനം ചെയ്യുന്ന 'പാപ്പന്റെ' രണ്ടാം ഷെഡ്യൂള്‍ ഡിസംബര് 13ന് ആരംഭിക്കും.
കോട്ടയം ഈരാറ്റുപേട്ടയിലാണ് പുതിയ പുതിയ ഷെഡ്യൂള്‍ തുടങ്ങുക.ഗോകുല്‍ സുരേഷ്, കനിഹ, സണ്ണി വെയ്ന്‍, നൈല ഉഷ, നീത പിള്ള തുടങ്ങിയവരാണ് പ്രധാന വേഷങ്ങളില്‍ എത്തുന്നത്. അതേസമയം സുരേഷ് ഗോപി ഒന്നിലധികം ലുക്കില്‍ സിനിമയില്‍ പ്രത്യക്ഷപ്പെടും. അടുത്തിടെ പുറത്തുവന്ന ലൊക്കേഷന്‍ ചിത്രങ്ങളില്‍ ഓരോന്നിലും വ്യത്യസ്ത രൂപങ്ങളിലാണ് നടനെ കാണാനായത്.നൈല ഉഷ ഇക്കാര്യം സ്ഥിരീകരിച്ചിരുന്നു.
എബ്രഹാം മാത്തന്‍ എന്ന പോലീസ് ഉദ്യോഗസ്ഥനായി സുരേഷ് ഗോപി വേഷമിടും. അദ്ദേഹം മുമ്പ് ചെയ്തിട്ടുള്ള പോലീസ് കഥാപാത്രങ്ങളില്‍ നിന്ന് വ്യത്യസ്തമായ ഷേഡുകള്‍ ഉള്ള കഥാപാത്രമാണിതെന്ന് നൈല പറഞ്ഞിരുന്നു.
