കെ ആര്‍ അനൂപ്|
Last Modified വ്യാഴം, 29 ജൂലൈ 2021 (14:57 IST)
വരാനിരിക്കുന്ന നെറ്റ്ഫ്‌ലിക്‌സ് ആന്തോളജി ചിത്രമാണ് നവരസ.ഓഗസ്റ്റ് ഒമ്പതിന് സ്ട്രീമിങ് ആരംഭിക്കും.ഒന്‍പത് ഹ്രസ്വചിത്രങ്ങള്‍ ചേര്‍ന്ന ഈ സിനിമയുടെ ഹാസ്യം എന്ന് രസത്തെ പ്രമേയമാക്കി ചിത്രം ചെയ്തിരിക്കുന്നത് പ്രിയദര്‍ശനാണ്. റിലീസിന് മുന്നോടിയായുള്ള പ്രമോഷനുകളുടെ തിരക്കിലാണ് അണിയറ പ്രവര്‍ത്തകര്‍.ഇപ്പോഴിതാ തന്റെ പ്രിയ സുഹൃത്തിന്റെ സിനിമയായ 'സമ്മര്‍ ഓഫ് 92' ന് ആശംസകളുമായി എത്തിയിരിക്കുകയാണ് മോഹന്‍ലാല്‍.
'പ്രിയപ്പെട്ട പ്രിയനും, മണി സാറിനും നവരസുടെ ടീമിനും അഭിനന്ദനങ്ങള്‍'- മോഹന്‍ലാല്‍ കുറിച്ചു. പ്രിയദര്‍ശന് നന്ദി പറഞ്ഞ് നടി രമ്യ നമ്പീശനും രംഗത്തെത്തിയിരുന്നു.
യോഗി ബാബു, രമ്യ നമ്പീശന്‍, നെടുമുടി വേണു എന്നിവരാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്.
