കെ ആര്‍ അനൂപ്|
Last Modified വ്യാഴം, 22 ജൂലൈ 2021 (10:33 IST)
ഇന്ത്യന്‍ സിനിമാലോകം ഒരുപോലെ കാത്തിരിക്കുകയാണ് മണി രത്‌നത്തിന്റെ 'പൊന്നിയിന്‍ സെല്‍വന്‍' റിലീസിനായി. വന്‍ താരനിര അണിനിരക്കുന്ന ചിത്രത്തില്‍ നടന്‍ ബാബു ആന്റണിയും ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്. അദ്ദേഹം തന്നെയാണ് ഇക്കാര്യം അറിയിച്ചത്.
'മണി രത്‌നം സാറിന്റെ സ്വപ്‌ന പ്രോജക്റ്റ് പൊന്നിയില്‍ സെല്‍വനില്‍ ഞാന്‍ ഒരു പ്രധാന കഥാപാത്രത്തെ അവതരിപ്പിക്കുമെന്ന വിവരം എല്ലാവരുമായും പങ്കുവെക്കാന്‍ ഏറെ സന്തോഷമുണ്ട്'-ബാബു ആന്റണി കുറിച്ചു.
എപിക് ഹിസ്റ്റോറിക്കല്‍ ഡ്രാമ വിഭാഗത്തില്‍ പെടുന്ന ചിത്രം കല്‍കി കൃഷ്ണമൂര്‍ത്തിയുടെ നോവലിനെ ആസ്പദമാക്കിയാണ് നിര്‍മ്മിക്കുന്നത്. രണ്ടു ഭാഗങ്ങളിലായി ആകും സിനിമ പ്രേക്ഷകരിലേക്ക് എത്തുക. ആദ്യഭാഗം അടുത്തവര്‍ഷം റിലീസ് ചെയ്യുമെന്ന് നിര്‍മാതാക്കള്‍ അറിയിച്ചു.
വിക്രം, ജയം രവി, കാര്‍ത്തി, ഐശ്വര്യ റായ്, തൃഷ, പ്രഭു, ശരത് കുമാര്‍, വിക്രം പ്രഭു, കിഷോര്‍, അശ്വിന്‍, ജയറാം, ഐശ്വര്യലക്ഷ്മി, റഹ്മാന്‍ തുടങ്ങിയ വന്‍ താരനിര തന്നെ ചിത്രത്തില്‍ അണിനിരക്കുന്നു.
മണി രത്‌നവും കുമാരവേലും ചേര്‍ന്നാണ് തിരക്കഥ ഒരുക്കിയിരിക്കുന്നത്. ജയമോഹന്റെ താണ് സംഭാഷണം.എ ആര്‍ റഹ്മാന്‍ സംഗീതം ഒരുക്കുന്നു.
മദ്രാസ് ടാക്കീസും ലൈക പ്രൊഡക്ഷന്‍സും ചേര്‍ന്നാണ് സിനിമ നിര്‍മ്മിക്കുന്നത്.
