“ഇതിനെയൊക്കെ കാണുമ്പഴാ വീട്ടിലിരിക്കുന്നതിനെ എടുത്ത് കിണറ്റിലിടാന്‍ തോന്നുന്നത്” - തകര്‍പ്പന്‍ കോമഡിയുമായി രണ്ട് ‘കണ്‍‌ട്രി’കള്‍ !
Last Updated:
വെള്ളി, 18 ഡിസംബര് 2015 (15:15 IST)
ഷാഫി വീണ്ടും വരികയാണ്. ഒരു വലിയ ഇടവേളയ്ക്ക് ശേഷം. പ്രേക്ഷകര്‍ക്ക് മനസുനിറഞ്ഞ് ചിരിക്കാന്‍ ഒരു സിനിമ - 2 കണ്‍‌ട്രീസ്. ദിലീപും മം‌മ്തയും ജോഡിയാകുന്ന ചിത്രം രചിച്ചിരിക്കുന്നത് റാഫി. ഈ ക്രിസ്മസിന് ആര്‍ത്തുചിരിക്കാനും ഓര്‍ത്തുചിരിക്കാനും വകനല്‍കുന്ന ഈ സിനിമ നിര്‍മ്മിച്ചിരിക്കുന്നത് രജപുത്ര വിഷ്വല്‍ മീഡിയ.
കല്യാണരാമന്‍, മേരിക്കുണ്ടൊരു കുഞ്ഞാട് എന്നീ വമ്പന്‍ ഹിറ്റുകള്‍ ദിലീപിനെ നായകനാക്കി സംവിധാനം ചെയ്തത് ഷാഫിയാണ്. ആ സിനിമകള്‍ ഉണര്‍ത്തിയ ചിരിയുടെ അപ്പുറം നില്‍ക്കുന്ന ചിരിയുമായാണ് ഇത്തവണ ഷാഫിയുടെ വരവ്. തിരക്കഥ രചിച്ചിരിക്കുന്ന റാഫി ഈ സിനിമയില്‍ ഒരു സുപ്രധാന കഥാപാത്രത്തെ അവതരിപ്പിക്കുകയും ചെയ്യുന്നു.
