വിവാഹമോചന വാര്‍ത്തകള്‍ക്കിടെ വിഷയത്തിൽ ഔദ്യോഗിക സ്ഥിരീകരണവുമായി എ.ആര്‍ റഹ്‌മാന്‍. താനും ഭർത്താവ് എ.ആർ റഹ്‌മാനും പിരിയാൻ പോവുകയാണെന്ന് സൈറ ബാനു ആയിരുന്നു ആദ്യം അറിയിച്ചത്. പിന്നാലെയാണ്, റഹ്‌മാൻ വിശദീകരണം നൽകി രംഗത്ത് വന്നത്. ഈ ബന്ധം മുപ്പതിലെത്തുമെന്ന് ഞങ്ങള്‍ പ്രതീക്ഷിച്ചിരുന്നുവെന്ന് അദ്ദേഹം എക്‌സിൽ കുറിച്ചു.

'എല്ലാ കാര്യങ്ങള്‍ക്കും കാണാന്‍ കഴിയാനാകാത്ത ഒരു അവസാനമുണ്ട്. തകര്‍ന്ന ഹൃദയങ്ങളാല്‍ ദൈവത്തിന്റെ സിംഹാസനം പോലും വിറച്ചേക്കാം. വീണ്ടും പഴയപടിയാകില്ലെങ്കിലും ഞങ്ങള്‍ അര്‍ഥം തേടുകയാണ്. ആകെ തകർന്ന ഈ സാഹചര്യത്തിലൂടെ കടന്നുപോകുമ്പോഴും ഞങ്ങളുടെ സ്വകാര്യത മാനിച്ചതിനും നിങ്ങള്‍ കാണിച്ച ദയയ്ക്കും സുഹൃത്തുക്കളോട് നന്ദി രേഖപ്പെടുത്തുന്നു', എന്നായിരുന്നു റഹ്‌മാൻ കുറിച്ചത്.

സൈറ ഭാനുവിന്റെ അഭിഭാഷക വന്ദന ഷായാണ് ഇരുവരും തമ്മില്‍ വേര്‍പിരിയുന്ന കാര്യം അറിയിച്ചത്. തീരുമാനം ഏറെ പ്രയാസകരമാണെന്ന് സൈറ പറയുന്നു. ഇരുവര്‍ക്കുമിടയിലുള്ള വൈകാരിക ബന്ധത്തിൽ പ്രശ്‌നങ്ങള്‍ ഉണ്ടായെന്നും പരിഹരിക്കാൻ കഴിയാതെ വന്നതോടെയാണ് വിവാഹമോചനമെന്നും അഭിഭാഷക അവ്യക്തമാക്കി.