കെ ആര് അനൂപ്|
Last Modified തിങ്കള്‍, 25 മാര്‍ച്ച് 2024 (09:09 IST)
കെജിഎഫ് രണ്ടു ഭാഗങ്ങള്‍ക്കുശേഷം ഇന്ത്യ ഒട്ടകയെ അറിയപ്പെടുന്ന വലിയ താരമായി യാഷ് മാറിക്കഴിഞ്ഞു. നടന്റെ 'ടോക്‌സിക് എ ഫെയറി ടേല്‍ ഫോര്‍ ഗ്രോണ്‍-അപ്‌സ്'ഒരുങ്ങുകയാണ്. ഗീതു മോഹന്‍ദാസ് സംവിധാനം ചെയ്യുന്ന ചിത്രത്തിന്റെ കാസ്റ്റിങ്ങളുമായി ബന്ധപ്പെട്ട് നിരവധി അഭ്യൂഹങ്ങളാണ് പ്രചരിക്കുന്നത്.
ബോളിവുഡില്‍ നിന്ന് കരീന കപൂര്‍, തെന്നിന്ത്യന്‍ നടിമാരായ ശ്രുതി ഹാസന്‍, സായ് പല്ലവി എന്നവരുടെ പേരുകളാണ് ഇതിനോടകം ഉയര്‍ന്നു കേട്ടത്. എന്നാല്‍ വാര്‍ത്തകള്‍ വലിയ തോതില്‍ പ്രചരിക്കുന്നതിനിടെ നിര്‍മ്മാതാക്കള്‍ തന്നെ പ്രസ്താവനയിലൂടെ പുതിയ വിവരങ്ങള്‍ക്കായി മാറി.
'ടോക്‌സിക്കിന്റെ കാസ്റ്റിങ്ങുമായി ബന്ധപ്പെട്ട് നിരവധി അടിസ്ഥാനരഹിതമായ വിവരങ്ങള്‍ പ്രചരിക്കുന്നുണ്ട്. സിനിമയെ ചുറ്റിപ്പറ്റിയുള്ള ആവേശത്തെ ഞങ്ങള്‍ അഭിനന്ദിക്കുന്നു. എന്നാല്‍ ഈ അവസരത്തില്‍ ഊഹാപോഹങ്ങളില്‍ നിന്ന് വിട്ടുനില്‍ക്കാന്‍ എല്ലാവരോടും അഭ്യര്‍ത്ഥിക്കുന്നു.ചിത്രത്തിനായുള്ള കാസ്റ്റിംഗ് പ്രക്രിയ പൂര്‍ത്തിയായിക്കഴിഞ്ഞു. ഞങ്ങളുടെ ഈ ടീമില്‍ ഞങ്ങള്‍ വളരെ ആവേശഭരിതരാണ്. ഈ കഥ ജീവസുറ്റതാക്കാന്‍ ഞങ്ങള്‍ എല്ലാവരും തയ്യാറെടുക്കുമ്പോള്‍, ഔദ്യോഗിക പ്രഖ്യാപനങ്ങള്‍ക്കായി കാത്തിരിക്കാനാണ് നിങ്ങള്‍ എല്ലാവരോടും ഞങ്ങള്‍ അഭ്യര്‍ത്ഥിക്കുന്നത്',- നിര്‍മ്മാതാക്കള്‍ പ്രസ്താവനയിലൂടെ അറിയിച്ചു.
