ദളപതി വിജയെ നായകനാക്കി അറ്റ്ലി സംവിധാനം ചെയ്ത ബിഗിൽ തിയേറ്ററുകളിൽ നിറഞ്ഞോടുകയാണ്. വിജയ് എന്ന നടനിൽ നിന്നും ആരാധകർ പോലും പ്രതീക്ഷിക്കാത്ത ഒരു മാസ് കഥാപാത്രമാണ് രായപ്പൻ. ഈ കഥാപാത്രത്തിനാണ് ഇപ്പോൾ ആരാധകർ കൂടുതൽ.

അച്ഛനും മകനും ആയി ഇരട്ട വേഷത്തിൽ ആണ് വിജയ് ഈ ചിത്രത്തിൽ എത്തിയിരിക്കുന്നത്. ഇപ്പോൾ ഏറ്റവും കൂടുതൽ കയ്യടി നേടിയെടുക്കുന്നത് വിജയ് ചെയ്ത അച്ഛൻ കഥാപാത്രം ആയ രായപ്പൻ ആണ്. ചിത്രത്തിൽ കുറച്ചു നേരം കൂടി ആ കഥാപാത്രം ഉണ്ടായിരുന്നെങ്കിൽ എന്ന് ആഗ്രഹിച്ചു പോയി എന്നാണ് ബിഗിൽ കണ്ടവർ പറയുന്നത്.

രായപ്പൻ എന്ന കഥാപാത്രത്തെ വെച്ച് ഒരു ഗ്യാങ്സ്റ്റർ സിനിമ ചെയ്യണമെന്ന് ആരാധകർ ആവശ്യപ്പെട്ടിരുന്നു. ആരാധകരുടെ ഈ ആവശ്യം സാധിപ്പിക്കാമെന്ന് ഏറ്റിരിക്കുകയാണ് അറ്റ്ലി. ഈ കഥാപാത്രത്തെ ലീഡ് ആക്കി ഒരു സിനിമ ചെയ്യും എന്ന് തന്നെയാണ് ആറ്റ്ലി പറയുന്നത്.

ഏതായാലും ആറ്റ്ലി- വിജയ് കൂട്ടുക്കെട്ടു ഈ കഥാപാത്രത്തെ വെച്ചൊരുക്കുന്ന സിനിമയുമായി വീണ്ടും എത്തുമെന്ന പ്രതീക്ഷയിൽ ആണ് ആരാധകരിപ്പോൾ.