Rijisha M.|
Last Updated:
വെള്ളി, 21 സെപ്‌റ്റംബര്‍ 2018 (16:06 IST)
ജയലളിതയുടെ ജീവിത കഥ പറയുന്ന ദി അയണ്‍ലേഡി യുടെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങി. സംവിധായകന്‍ എംഎര്‍ മുരുഗദോസ് ആണ് അദ്ദേഹത്തിന്റെ ഔദ്യോഗിക ഫേസ്‌ബുക്കിലൂടെ പോസ്‌റ്റർ പുറത്തുവിട്ടത്. ചിത്രത്തിൽ ജയലളിതയായെത്തുന്നത് വരലക്ഷ്മി ശരത്കുമാര്‍ ആണ്.
ചിത്രം സംവിധാനം ചെയ്യുന്നത് പ്രിയദര്‍ശിനി ആണ്. ചെന്നൈ ആസ്ഥാനമായി പ്രവര്‍ത്തിക്കുന്ന നിര്‍മ്മാണ കമ്പനിയാണ് ചിത്രത്തിന്റെ നിര്‍മ്മാണവും മറ്റും ഏറ്റെടുത്തിരിക്കുന്നത്. ചിത്രത്തെക്കുറിച്ചുള്ള കൂടുതല്‍ വിവരങ്ങളൊന്നും പുറത്തു വന്നിട്ടില്ല.
ജയലളിതയുടെ മരണശേഷമാണ് ഈ ചിത്രം പ്രഖ്യാപിക്കപ്പെട്ടത്. അന്ന് മുതല്‍ ദ് അയണ്‍ ലേഡി – എ സ്റ്റോറി ഓഫ് റെവലൂഷ്‌നറി ലീഡര്‍ എന്ന ചിത്രത്തെക്കുറിച്ചുള്ള ചര്‍ച്ചകള്‍ സജീവമായിരുന്നു.
നാലഞ്ച് മാസമായി സിനിമയെ കുറിച്ച്‌ മാത്രം ചര്‍ച്ച ചെയ്യുകയായിരുന്നുവെന്ന് പ്രിയദര്‍ശിനി പറയുന്നു. വ്യത്യസ്തമായ ജീവിതം നയിച്ച ജയലളിതയ്ക്ക് ആദരവായി ഒരു സിനിമ ഒരുക്കുകയെന്നത് ഞങ്ങളുടെ കടമയാണെന്നും തമിഴ്, തെലുങ്ക്, കന്നഡ, ഹിന്ദി ഭാഷകളില്‍ സിനിമ എത്തിക്കാനാണ് ശ്രമമെന്നും പ്രിയദര്‍ശിനി പറഞ്ഞു.
