മലയാളത്തിലെ താരങ്ങൾ അന്യഭാഷാ സിനിമകളിൽ അഭിനയിക്കുന്നത് പുത്തരിയല്ല. മോഹൻലാൽ, മമ്മൂട്ടി, ദിലീപ്, ദുൽഖർ സൽമാൻ തുടങ്ങി നിരവധി നടന്മാർ തമിഴ്, തെലുങ്ക്, കന്നഡ, ഹിന്ദി തുടങ്ങിയ അന്യഭാഷാ ചിത്രങ്ങളിൽ അഭിനയിച്ചിട്ടുണ്ട്. തിരിച്ചും അങ്ങനെ തന്നെ.

തമിഴിൽ നിന്നും ആര്യ, വിശാൽ, ഹൻസിക തുടങ്ങിയവർ മലയാളത്തിൽ എത്തിയിരുന്നു. ആ നിരയിൽ അവസാനത്തെ ആളാവുകയാണ് ജെയ്. ജെയ് ഒരുമിക്കുന്നത് വൈശാഖിന്റെ രാജ 2വിലാണെന്ന് റിപ്പോർട്ടുകൾ. ഈ വര്‍ഷം തന്നെ ഷൂട്ടിംഗ് തുടങ്ങുന്ന സിനിമയുടെ തിരക്കഥ ഉദയ്കൃഷ്ണയാണ്. സിനിമയില്‍ ജെയ് ഉണ്ടെന്ന കാര്യം താരം തന്നെ വ്യക്തമാക്കിയിരിക്കുകയാണെന്നാണ് വിവരം.

മമ്മൂട്ടിയുടെ രാജ 2വിനായുള്ള കാത്തിരിപ്പിലാണ് ആരാധകർ. പോക്കിരിരാജ എന്ന മെഗാഹിറ്റിന്‍റെ രണ്ടാം ഭാഗമായി വൈശാഖ് പ്രഖ്യാപിച്ച പ്രൊജക്ടാണ് രാജ 2. പുലിമുരുകന്‍ പോലെ പ്രകമ്പനം സൃഷ്ടിച്ച ഒരു ഹിറ്റിന് ശേഷം അതേ മാസ് ഘടകങ്ങള്‍ ഒട്ടും ആവേശം ചോരാത്ത തരത്തില്‍ രാജ 2വിലും ഉണ്ടാകും.

രാജാറാണി, എങ്കേയും എപ്പോതും, സുബ്രഹ്മണ്യപുരം തുടങ്ങിയ സിനിമകളിലൂടെ താരമായ ജെയ് ആണ്.