സിനിമയില്‍ വലുതോ ചെറുതോ നോക്കാതെ തനിക്കിടങ്ങുന്ന ഏത് വേഷവും ചെയ്യാന്‍ നടി സ്വാസിക മടി കാട്ടാറില്ല. സീരിയല്‍ ലോകത്ത് ആരാധകരെ സമ്പാദിച്ച ശേഷമാണ് സിനിമയുടെ നായിക മായിക ലോകത്ത് നടി ചുവട് ഉറപ്പിച്ചത്. ചതുരം സിനിമയ്ക്ക് ശേഷം സ്വാസികയുടെ കരിയറില്‍ മറ്റൊരു പാത കൂടി സ്വീകരിച്ചു. ഇന്റിമേറ്റ് രംഗങ്ങള്‍ ഉള്‍പ്പെടുന്ന സിനിമകളില്‍ കൂടി നടി പ്രത്യക്ഷപ്പെടാന്‍ തുടങ്ങി.

ചതുരം സിനിമയില്‍ സ്വാസിക അവതരിപ്പിച്ച കഥാപാത്രം കൂടുതല്‍ ശ്രദ്ധിക്കപ്പെട്ടു. ചിത്രത്തില്‍ അലന്‍സിയര്‍ തന്നെ മര്‍ദ്ദിക്കുന്ന രംഗങ്ങള്‍ ചിത്രീകരിച്ചതിന് പിന്നിലെ കഷ്ടപ്പാടുകള്‍ തുറന്നു പറയുകയാണ് ഇപ്പോള്‍ നടി.

' ആദ്യത്തെ ഒന്ന് രണ്ട് തവണ അലന്‍ ചേട്ടന്‍ പതുക്കെയാണ് അടിച്ചത്. കുറച്ച് കൂടി ശക്തി കൂട്ടിയാലും കുഴപ്പമില്ലെന്ന് ഞാന്‍ പറഞ്ഞു. പിന്നെ അലന്‍ ചേട്ടന്‍ സ്‌ട്രോങ് ആയി പിടിക്കാനും അടിക്കാനും തുടങ്ങി. വയറിന് ഒരു തലയിണ വെച്ചിട്ടുണ്ട്. തലയണ വെച്ച ധൈര്യത്തില്‍ അലന്‍ ചേട്ടന്‍ കുറച്ച് സ്‌ട്രോങ് ആയി അടിച്ചു.ക്ലോസ് അപ്പ് ഷോട്ടില്‍ അലന്‍ ചേട്ടന്‍ അടിക്കുന്നില്ല. ടൈമിംഗ് കാല്‍കുലേറ്റ് ചെയ്ത് ചവിട്ട് കൊള്ളുന്ന ഇമോഷന്‍ കൊടുക്കുകയായിരുന്നു. സംവിധായകന്റെ നിര്‍ദ്ദേശങ്ങളും ഉണ്ടായിരുന്നെന്ന് സ്വാസിക വ്യക്തമാക്കി. സീനിന് മുമ്പ് കുറച്ച് നേരം ശ്വാസമടക്കി കുനിഞ്ഞ് നില്‍ക്കും. അപ്പോള്‍ മുഖം ചുവന്ന് വരും. എന്നിട്ടാണ് കിടക്കുന്നത്. അപ്പോള്‍ ക്ലോസ് അപ്പ് ഷോട്ട് വെക്കുമ്പോള്‍ അടികൊണ്ട് വേദനിച്ച ചുവപ്പ് മുഖത്ത് വരും. അങ്ങനെ കുറച്ച് ട്രിക്കുകളൊക്കെ സീനില്‍ പ്രയോഗിച്ചിട്ടുണ്ടെന്നും സ്വാസിക വ്യക്തമാക്കി',-സ്വാസിക പറഞ്ഞു.