ബോളിവുഡ് നടി സണ്ണി ലിയോണ്‍ മലയാള സിനിമയിലേക്ക് വീണ്ടും എത്തുന്നു എന്ന വാര്‍ത്തകളാണ് പുറത്തുവരുന്നത്. ചിത്രീകരണത്തിനിടെ പകര്‍ത്തിയ വീഡിയോ സാമൂഹ്യ മാധ്യമങ്ങളില്‍ പ്രചരിക്കുന്നുണ്ട്. ഒരു ജ്വല്ലറി ഉദ്ഘാടനത്തിനായി എത്തുന്ന സണ്ണി വിളക്ക് തെളിയിക്കുകയും പ്രസംഗിക്കുകയും ചെയ്യുന്നതാണ് വീഡിയോ.

ഇതേ സമയം സണ്ണിയുടെ ആരാധകനായ ഭീമന്‍ രഘുവിന്റെ കഥാപാത്രം നടിയുടെ മുഖമുള്ള ടീഷര്‍ട്ട് ധരിച്ച് ഓടി വരുന്നതും വീഡിയോയില്‍ കാണാം. ഈ രംഗം പകര്‍ത്തുന്ന ക്യാമറ ടീമിനെയും വീഡിയോയില്‍ കാണാനാകുന്നു. ചിത്രത്തെക്കുറിച്ചുള്ള വിവരങ്ങള്‍ പുറത്തുവന്നിട്ടില്ല.തിരുവനന്തപുരത്താണ് ഷൂട്ടിംഗ് നടക്കുന്നത്.

നേരത്തെ മമ്മൂട്ടിയുടെ മധുര രാജ എന്ന ചിത്രത്തില്‍ ഒരു ഗാനരംഗത്ത് സണ്ണി ലിയോണ്‍ അഭിനയിച്ചിരുന്നു. സണ്ണി ലിയോണ്‍ നായികയായി എത്തുന്ന രംഗീല എന്നൊരു മലയാള ചിത്രം ചിത്രീകരണം ആരംഭിച്ച എങ്കിലും റിലീസ് ആയിട്ടില്ല.