ചില പ്രസ്താവനകളുടെയും ചില ചിത്രങ്ങളുടേയുമെല്ലാം അടിസ്ഥാനത്തിൽ നടിമാർക്കെതിരെ സൈബർ ആക്രമണം വ്യാപകമായി നടക്കുന്ന കാലമാണിത്. അത്തരത്തിൽ പ്രചരിച്ച ഒരു കഥയുടെ പേരിൽ വർഷങ്ങളായി സൈബർ ആക്രമണം നേരിടുന്ന നടിയാണ് ദിവ്യ ഉണ്ണി. കലാഭവൻ മാണിയുമായി കൂട്ടിച്ചെർത്താണ് ഇവരുടെ വിവാദം. സിനിമയുടെ ഷൂട്ടിങ് സമയത്ത് മണിക്ക് ഒപ്പം അഭിനയിക്കില്ല എന്ന് ദിവ്യ പറഞ്ഞു എന്നതായിരുന്നു ആരോപണം.

കല്യാണസൗഗന്ധികം എന്ന ചിത്രത്തില്‍ ദിവ്യയുടെ മുറചെറുക്കാനായിട്ടാണ് കലാഭവന്‍ മണി അഭിനയിച്ചത്. ഇവർ തമ്മിൽ ഉള്ള ഒരു പാട്ട് സീനിൽ ഇവർ പ്രണയിക്കുന്നതായി ഒരു രംഗം ഉണ്ട്. എന്നാല്‍ ഗാനരംഗം ചിത്രീകരിക്കുന്ന സമയത്ത് കലാഭവന്‍ മണിയ്‌ക്കൊപ്പം ദിവ്യ അഭിനയിക്കില്ലെന്ന് പറഞ്ഞുവെന്നും തുടര്‍ന്ന് ആ ഗാനരംഗം ഒഴിവാക്കിയെന്നുമായിരുന്നു ഏറെക്കാലമായി വരുന്ന ആരോപണം. ദിവ്യയുടെ ഫോട്ടോകൾക്കെല്ലാം താഴെ ഇത് ചൂണ്ടിക്കാട്ടി അവരെ മോശമായി ആക്രമിക്കുന്നവരുണ്ട്.

അടുത്തിടെ ദിവ്യ ഒരു അഭിമുഖത്തിൽ ഇതേകാര്യം പ്രതികരിക്കുകയും ചെയ്തു. ഇത്തരം കാര്യങ്ങളോട് പ്രതികരിക്കാൻ ഇല്ല കമന്റുകൾ നോക്കി വേദനിക്കുന്ന ആളല്ല താനെന്നും താൻ എന്താണ് എങ്ങനെ ആണ് എന്ന് അറിയാം എന്നും ദിവ്യ പറയുകയുണ്ടായി. 'മാത്രമല്ല മണിച്ചേട്ടന്‍ പോയില്ലേ. ആദ്യത്തെ സിനിമ മുതല്‍ എത്രയോ സിനിമകള്‍ ഞങ്ങള്‍ ഒരുമിച്ച് ചെയ്തതാണ്.അദ്ദേഹത്തിന്റെ ആത്മാവിനോടുള്ള ബഹുമാനം നിലനിര്‍ത്തിക്കൊണ്ടാണ് പറയുന്നത്. സത്യാവസ്ഥ എന്താണെന്ന് എനിക്കറിയാം. കമന്റുകള്‍ എഴുതുന്നവര്‍ മറുപടി അര്‍ഹിക്കുന്നില്ല' എന്നും ദിവ്യ പ്രതികരിച്ചു.

ഒരു ഇടവേളക്ക് ശേഷം കഴിഞ്ഞദിവസം മാധ്യമങ്ങൾക്ക് മുൻപിൽ ദിവ്യ ഉണ്ണി എത്തിയിരുന്നു. അമേരിക്കയിൽ നിന്നും കുറച്ചുനാളുകൾക്ക് ശേഷം ഇളയമകൾക്കും അനുജത്തിക്കും ഒപ്പമാണ് ദിവ്യ നാട്ടിൽ എത്തിയത്. തന്റെ വിശേഷങ്ങൾ പങ്കുവെച്ച നടിക്ക് ഇത്തവണ പിന്തുണയാണ് സോഷ്യൽ മീഡിയയിൽ നിന്നും ലഭിച്ചത്. 'മണിച്ചേട്ടന്റെ പേരും വച്ച് പഴി കേൾക്കാൻ തുടങ്ങിയിട്ട് വര്ഷങ്ങളായി, ഇനിയെങ്കിലും വെറുതെ വിട്ടൂടെ' എന്നാണ് ഭൂരിഭാഗം ആളുകളും ചോദിക്കുന്നത്.