സോഷ്യൽ മീഡിയയും ട്രോളർമാരും സംഗീത സംവിധായകൻ ഗോപി സുന്ദറിനെ ദത്തെടുത്തിരിയ്ക്കുകയാണ് എന്ന് പറഞ്ഞാൽ അതിൽ അതിശയോക്തി ഒന്നും തന്നെയില്ല. ഇപ്പോൾ സോഷ്യൽ മീഡിയയിൽ തരംഗമാകുന്നതും ഗോപി സുന്ദറിന്റെ പാട്ടു തന്നെ. ജയറാം നായകനായ സത്യയിലെ ഐറ്റം സോങ്ങ് ഇന്നലെ റിലീസ് ചെയ്തി‌രുന്നു.

ഭക്തിഗാനത്തെ ഓർമിപ്പിക്കുന്ന ഗാനവും അതിനൊപ്പം ചുവടുകൾ വെയ്ക്കുന്ന റോമയുമാണ് സാമൂഹ്യ മാധ്യമങ്ങളിൽ നിറഞ്ഞു നിൽ‌ക്കുന്നത്. ഗാനത്തെ കുറിച്ചുള്ള ട്രോളുകൾക്ക് മറുപടിയുമായി ഗാനം ആലപിച്ച സിത്താര തന്നെയാണ് ഇപ്പോൾ രംഗത്തെത്തിയിരിക്കുന്നത്.

തമാശ ആസ്വദിക്കുന്നുവെന്ന് ഗായിക പറയുന്നു. ഞാൻ അറിഞ്ഞില്ല, ഇതൊരു ഐറ്റം ഡാൻസ് ആണെന്ന് തനിക്ക് അറിയത്തില്ലായിരുന്നു. ആരും എന്നോട് പറഞ്ഞില്ല. ഗോപിയേട്ടാ പാടിക്കുമ്പോൾ എന്നോട് പറയാമായിരുന്നു. ഗോപിക്ക് ഇക്കാര്യം അറിയുമെന്ന് തനിക്ക് ഉറപ്പാണ്. മികച്ച സംഗീതമാണ് പാട്ടിലേത് എന്നും നർമ രൂപേണെ ഗായിക പറയുന്നു.

സിത്താരയും ഗോപീസുന്ദറും ഒന്നിച്ച് ട്രോളുകള്‍ ആസ്വദിക്കുന്ന ചിത്രവും പങ്കുവെച്ചിട്ടുണ്ട്. ഇതൊക്കെ എന്ത് എന്നാണ് ചിത്രത്തിന് നല്‍കിയ അടിക്കുറിപ്പ്. ട്രോളർമാരെ നമിച്ചിരിക്കുന്നു എന്നാണ് ഗോപി സുന്ദർ പറയുന്നത്.