കെ ആര്‍ അനൂപ്|
Last Modified ചൊവ്വ, 16 മെയ് 2023 (15:05 IST)
ശാന്തനു ഭാഗ്യരാജ് സിനിമ തിരക്കുകളിലാണ്.ഒരു സ്‌പോര്‍ട്‌സ് ഡ്രാമയാണ് നടന്റെ അടുത്ത ചിത്രം.നവാഗതനായ ജയ്കുമാര്‍ സംവിധാനം ചെയ്യുന്ന സിനിമയ്ക്ക് ഇതുവരെയും പേരിട്ടിട്ടില്ല.സംവിധായകന്‍ പാ രഞ്ജിത്തിന്റെ മുന്‍ അസോസിയേറ്റ് കൂടിയാണ് അദ്ദേഹം.
അശോക് സെല്‍വനും ചിത്രത്തില്‍ ഉണ്ട്. സിനിമയ്ക്കായി ശാന്തനു 10-15 കിലോ ഭാരം കുറച്ചു. 20 വയസ്സുകാരനായി അഭിനയിക്കുന്നതിനു വേണ്ടിയാണ് താരം ശരീരഭാരം കുറച്ചത്. ക്ലീന്‍ ഷേവ് ചെയ്ത ലുക്കിലാണ് ഈ ഭാഗത്തില്‍ നടന്‍ പ്രത്യക്ഷപ്പെടുക.സിനിമ ഒരു പിരീഡ് ക്രിക്കറ്റ് ഡ്രാമയാണ്.
ഫെബ്രുവരിയില്‍ ചിത്രീകരണം പൂര്‍ത്തിയായ സിനിമയുടെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്. ടൈറ്റില്‍ ഉള്‍പ്പെടെയുള്ള വിവരങ്ങള്‍ വൈകാതെ പുറത്തുവരും.
