നല്ല സിനിമകളുടെ ഭാഗമാകാന്‍ പ്രത്യേകം കഴിവുണ്ട് നടി സായി പല്ലവിക്ക്. അത്തരത്തിലുള്ള സ്‌ക്രിപ്റ്റിന് മാത്രമേ നടി ചെയ്യാമെന്ന് പറയുകയുള്ളൂ. വിരാടപര്‍വം, ഗാര്‍ഗി തുടങ്ങിയ സിനിമകളിലൂടെ കഴിഞ്ഞ വര്‍ഷം അത് തെളിയിക്കുകയും ചെയ്തു. കുറച്ചുനാളുകളായി പുതിയ പ്രോജക്ടുകള്‍ ഒന്നും സായ് പല്ലവി പ്രഖ്യാപിച്ചിട്ടില്ല.

ഇനി സീതയായി സായി പല്ലവി വേഷമിടുന്ന നിതേഷ് തിവാരിയുടെ സിനിമ അണിയറയില്‍ ഒരുങ്ങുന്നുണ്ടെന്നാണ് റിപ്പോര്‍ട്ടുകള്‍. ശ്രീരാമനായി രണ്‍ബീര്‍ കപൂര്‍ എത്തുമെന്നാണ് പറയപ്പെടുന്നത്. ഇതിനുമുമ്പ് നാഗചൈതന്യയുടെ തണ്ഡേലില്‍ നായികയായിട്ടാണ് സായ് പല്ലവി എത്തുമെന്നാണ് വിവരം.

കാര്‍ത്തികേയ, കാര്‍ത്തികേയ 2 എന്നീ സിനിമകളുടെ സംവിധായകന്‍ ചന്ദൂ മൊണ്ഡേതിയാണ് ഈ ചിത്രവും ഒരുക്കുന്നത്.അല്ലു അരവിന്ദാണ് ഗീതാ ആര്‍ട്സിന്റെ ബാനറില്‍ ചിത്രം നിര്‍മിക്കുന്നത്. തണ്ഡേലിന്റെ ഷൂട്ടിംഗ് പുരോഗമിക്കുകയാണ്. പ്രതിഫലം ഉയര്‍ത്തിയിരിക്കുകയാണ് നടി.

സായി പല്ലവിയുടെ നേരത്തെയുള്ള പ്രതിഫലം ഒന്നരക്കോടി രൂപയായിരുന്നു. പിന്നീട് അത് രണ്ടുകോടിയായി ഉയര്‍ത്തി. ഇപ്പോള്‍ തണ്ഡേലിനായി മൂന്നു കോടിയാണ് നടി ആവശ്യപ്പെട്ടിരിക്കുന്നത് എന്നാണ് റിപ്പോര്‍ട്ടുകള്‍.