സിനിമലോകമെങ്ങും പേരൻപ് വിശേഷങ്ങളാണ്. മമ്മൂട്ടിയുടെ ക്ലാസ് അഭിനയത്തിനായി കാത്തിരുന്നവർക്കിടയിലേക്കാണ് റാം പേരൻപ് എത്തിച്ചത്. റാമിന്റേയും മമ്മൂട്ടിയുടെയും സാദനയുടെയും മാസ്റ്റർപീസ് തന്നെയാണ് പേരൻപ്. നിരവധി താരങ്ങൾ ചിത്രത്തെ പ്രശംസിച്ച് രംഗത്തെത്തിയിരുന്നു.

ഇപ്പോഴിതാ, നടി ശാലിൻ സോയയും പേരൻപിനെ പുകഴ്ത്തി രംഗത്തെത്തിയിരിക്കുകയാണ്. ‘മികച്ച ഒരു ചിത്രമാണ് പേരൻപ്. സാദനയുടെ ഡെഡിക്കേഷനും കഴിവും എടുത്ത് പറയേണ്ടതാണ്. മികച്ച അഭിനേത്രി തന്നെയാണ് താനെന്ന് അഞ്ജലി അമീർ തെളിയിച്ചു. അവരുടെ അഭിനയം കണ്ട് കൺ നിറഞ്ഞു. മമ്മൂക്കയുടെ അഭിനയത്തെ കുറിച്ച് ഒന്നും പറയേണ്ടതില്ലല്ലോ. പറയാൻ വാക്കുകൾ കിട്ടുന്നില്ല. വേറെ ലെവൽ’- ശാലിൻ ഫേസ്ബുക്കിൽ കുറിച്ചു.

വളരെ സ്വാഭാവികമായ അഭിനയം കാഴ്ച വെച്ചിരിക്കുകയാണ് മമ്മൂട്ടി. അഭിനയത്തോടുള്ള തന്റെ ആസക്തി സൂപ്പർസ്റ്റാർ എന്ന പദവിയിലിരിക്കുമ്പോൾ തന്നെ ഇത്രയും വെല്ലുവിളി ഉയർത്തുന്ന ഒരു സ്ക്രിപ്റ്റ് എറ്റെടുക്കാൻ അദ്ദേഹം കാണിച്ച താൽപ്പര്യത്തിലൂടെ വ്യക്തമാകുകയാണ്. പാപ്പായായി സാധന ചിത്രത്തിൽ നിറഞ്ഞു നിന്നു. സാധനയ്ക്ക് ദേശീയ അവാർഡ് നൽകിയില്ലെങ്കിൽ മറ്റാർക്കും നൽകരുതെന്ന് സിനിമ കണ്ടവർ ഒന്നടങ്കം പറയുന്നു.