മമ്മൂട്ടിയുടെ മൂന്ന് സിനിമകൾക്കായുള്ള കാത്തിരിപ്പിലാണ് ആരാധകർ. തമിഴ് ചിത്രം പേരൻപ്, തെലുങ്ക് ചിത്രം യാത്ര, മലയാള ചിത്രം മാമാങ്കം. ഇതിൽ യാത്രയും പേരൻപും ഫെബ്രുവരിയിൽ റിലീസ് ചെയ്യും. പേരൻപിന്റെ പുതിയ പോസ്റ്റർ അണിയറ പ്രവർത്തകർ പുറത്തുവിട്ടു. ഒറ്റ നോട്ടത്തിൽ ധ്രുവത്തിലെ മന്നാഡിയാരെ ഓർമപ്പെടുത്തുന്ന ലുക്ക്.

1993ല്‍ റിലീസായ ധ്രുവം മമ്മൂട്ടിയുടെ ഏറ്റവും കരുത്തുറ്റ ഒരു കഥാപാത്രമായിരുന്നു. നരസിംഹ മന്നാഡിയാര്‍ എന്ന കഥാപാത്രത്തെ മലയാളികള്‍ക്ക് ഒരിക്കലും മറക്കാനാവില്ല. അധികാരത്തിന്‍റെയും മനുഷ്യത്വത്തിന്‍റെയും അവതാരരൂപമാണ് മന്നാഡിയാര്‍. യാത്രയിലെ പുതിയ പോസ്റ്റർ കണ്ടപ്പോൾ നരസിംഹ മന്നാഡിയാരെ ഓർമപ്പെടുത്തിയെന്നാണ് ആരാധകർ പറയുന്നത്. ട്രോളർമാരും ഇത് ഏറ്റെടുത്ത് കഴിഞ്ഞു.

മുന്‍ ആന്ധ്രപ്രദേശ് മുഖ്യമന്ത്രി വൈ എസ് രാജശേഖര റെഡ്ഡിയുടെ ജീവിതം പറയുന്ന യാത്ര ടോളിവുഡില്‍ ഈ വര്‍ഷത്തെ പ്രധാന പ്രോജക്ടുകളില്‍ ഒന്നാണ്. ചിത്രത്തിന്റെ നേരത്തേ പുറത്തെത്തിയ ടീസറിന് വലിയ സ്വീകാര്യത കിട്ടിയിരുന്നു. വൈ എസ് ആറായുള്ള മമ്മൂട്ടിയുടെ പ്രകടനത്തിനായുള്ള വെയിറ്റിംഗിലാണ് ആരാധകർ.