നിവിൻ പോളി - അൽഫോൺസ് പുത്രൻ എന്നിവരുടെ കൂട്ടുകെട്ടിൽ പിറന്ന പ്രേമം മലയാളത്തിലെ മികച്ച സിനിമകളിൽ ഒന്നാണ്. ചിത്രം തെലുങ്കിലേക്ക് നിർമിക്കാൻ പോകുകയാണെന്ന് കേട്ടപ്പോൾ മുതൽ അവരേക്കാൾ ആകാംഷയായിരുന്നു മലയാളികൾക്ക്. എന്നാൽ, ചിത്രത്തിലെ ട്രെയിലറും ആദ്യ ഗാനവും ഇറങ്ങിയതോടെ തെലുങ്ക് പ്രേമത്തെ മലയാളികൾ വരവേറ്റത് ട്രോൾ മഴ കൊണ്ടായിരുന്നു. ഒറിജിനലിനോട് നീതി പുലർത്താൻ കഴിഞ്ഞിട്ടില്ലെന്ന് വരെ ട്രോൾ ഉണ്ടായി.

എന്നാൽ, ട്രോളർമാരെ കടത്തിവെട്ടി തെലുങ്ക് പ്രേമം തകർപ്പനായി ബോക്സ് ഓഫീസ് കീഴടക്കി കഴിഞ്ഞിരിക്കുകയാണ്. റിലീസ് ചെയ്തതിന്റെ ആഞ്ചാം ദിവസം ആന്ധ്രയിൽ നിന്നുമാത്രമായി ചിത്രം നേടി‌യത് 20 കോടിയാണ്. കേരളത്തിലടക്കം റിലീസ് ചെയത് ചിത്രത്തിന്റെ മുഴുവൻ കളക്ഷൻ എടുത്താൽ ഇതിനും മുകളിൽ പോകുമെന്ന കാ‌ര്യത്തിൽ സംശയമില്ല.

സായ് പല്ലവി ഗംഭീരമായി അഭിനയിച്ച മലര്‍ മിസിനെ തെലുങ്കില്‍ അവതരിപ്പിച്ചത് ശ്രുതി ഹാസനായിരുന്നു. എന്നാല്‍ ശ്രുതിയെ കണക്കിന് ട്രോളിയ മലയാളികള്‍ക്ക് കൂട്ടായി തമിഴ് പ്രേക്ഷകര്‍ കൂടി എത്തിയതോടെ തെലുങ്ക് പ്രേമത്തെ ട്രോളുന്ന പരുപാടി കൊഴുത്തു. അടുത്തത് നാഗചൈതന്യയുടെ ഊഴമായിരുന്നു. ജോര്‍ജ്ജിനും കിട്ടി കണക്കിന് ട്രോളാക്രണം. ഏതായാലും ഇതിനൊയൊക്കെ അതിജീവിച്ച് ചിത്രം ഗംഭീര വിജയം കൈവരിച്ചതിന്റെ ആഘോഷത്തിലാണിപ്പോള്‍ പ്രേമം ടീം.