ബിജുമേനോന്‍-സുരാജ് വെഞ്ഞാറമൂട് കേന്ദ്ര കഥാപാത്രങ്ങളായെത്തിയ ചിത്രം 'നടന്ന സംഭവം' ഒടിടിയിലേക്ക് വരുന്നു. ചിത്രത്തിന്റെ ഒടിടി അവകാശം നേടിയിരിക്കുന്നത് മനോരമ മാക്‌സ് ആണ്. ഓഗസ്റ്റ് മാസത്തിനു മുന്‍പ് ചിത്രം മനോരമ മാക്‌സില്‍ വരുമെന്നാണ് ലഭിക്കുന്ന വിവരം. റിലീസ് തീയതി പ്രഖ്യാപിച്ചിട്ടില്ല. ജൂണ്‍ 21നാണ് ചിത്രം തീയറ്ററുകളില്‍ എത്തിയത്. കോമഡി പശ്ചാത്തലത്തിലുള്ള ഫാമിലി എന്റര്‍ടെയ്‌നറാണ് സിനിമ. അയവാസികളായി രണ്ട് വ്യത്യസ്തതരം സ്വഭാവക്കാര്‍ എത്തുമ്പോള്‍ ഉണ്ടാകുന്ന പ്രശ്‌നങ്ങളെ കുറിച്ചാണ് സിനിമ പറയുന്നത്.

വിഷ്ണുനാരായന്‍ ആണ് സിനിമ സംവിധാനം ചെയ്തിട്ടുള്ളത്. ഉണ്ണി എന്ന കഥാപാത്രത്തെ ബിജുമേനോനും അജിത്ത് എന്ന കഥാപാത്രത്തെ സുരാജുമാണ് അവതരിപ്പിച്ചിരിക്കുന്നത്. ഇരുവര്‍ക്കുമൊപ്പം ശ്രുതി രാമചന്ദ്രന്‍, ജോണി ആന്റണി, ലിജോ മോള്‍ ജോസ്, ലാലു അലക്‌സ് തുടങ്ങിയവരും പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്.