മലയാളത്തിലെ ഏറ്റവും വലിയ പണംവാരിപ്പടമാകാന്‍ മഞ്ഞുമ്മല്‍ ബോയ്‌സിന് വേണ്ടത് നാലര കോടി മാത്രം. നിലവില്‍ പട്ടികയില്‍ ഒന്നാം സ്ഥാനത്തുള്ളത് 2018 ആണ്. 176 കോടിയാണ് 2018ന്റെ ക്ലോസിങ് കളക്ഷന്‍. അതേസമയം മഞ്ഞുമ്മല്‍ ബോയ്‌സ് മൗത്ത് പബ്ലിസിറ്റിയിലൂടെ കേരളത്തിലും തമിഴ്‌നാട്ടിലും വലിയ മുന്നേറ്റമാണ് ഉണ്ടാക്കിയത്. ഫെബ്രുവരി 22നാണ് സിനിമാ റിലീസ് ചെയ്തത്. ഇതുവരെ 170.5 കോടിയോളം രൂപ കളക്ഷന്‍ നേടിയിട്ടുണ്ട്. നാലര കോടി രൂപ കൂടി ലഭിച്ചാല്‍ 2018നെ മഞ്ഞുമ്മല്‍ ബോയ്‌സ് മറികടക്കും. പുലിമുരുകന്‍, ലൂസിഫര്‍, പ്രേമലു എന്നീ ചിത്രങ്ങളാണ് നിലവില്‍ ടോപ് ഫൈവിലുള്ള മറ്റു മലയാള ചിത്രങ്ങള്‍.

തമിഴ്‌നാട്ടില്‍ മഞ്ഞുമ്മല്‍ ബോയ്‌സ് ഹിറ്റായതോടെയാണ് കളക്ഷന്‍ ഇത്രയധികം ഉയര്‍ന്നത്. അതേസമയം തമിഴ്‌നാട്ടില്‍ നിന്ന് ജവാന്‍ നേടിയ 50 കോടിയുടെ കളക്ഷന്‍ മഞ്ഞുമ്മല്‍ ബോയ്‌സ് മറികടക്കും എന്നാണ് വരുന്ന റിപ്പോര്‍ട്ടുകള്‍. നിലവില്‍ തമിഴ്‌നാട്ടില്‍ നിന്ന് കൂടുതല്‍ കളക്ഷന്‍ നേടുന്ന എട്ടാമത്തെ ഇതര ഭാഷാ സിനിമയാണ് മഞ്ഞുമ്മല്‍ ബോയ്‌സ്.