'മലൈക്കോട്ടൈ വാലിബന്‍' തിയറ്ററുകളില്‍ എത്തി. മോഹന്‍ലാല്‍ ആരാധകരുടെ പ്രതീക്ഷിക്കട്ടെ സിനിമയ്ക്ക് ഉയരാനായി. ആദ്യം മുതലേ മികച്ച പ്രതികരണങ്ങളാണ് സിനിമയ്ക്ക് ലഭിക്കുന്നത്. തിയേറ്ററുകള്‍ വിട്ടിറങ്ങുന്ന ആളുകള്‍ക്ക് പറയാനുള്ളത് രണ്ടാം ഭാഗത്തില്‍ ഇനി വാലിബിനെ കാണാം എന്നതാണ്.

നല്ലൊരു സിനിമ അനുഭവം എന്നാണ് കൂടുതൽ ആളുകളും സോഷ്യൽ മീഡിയ പേജുകളിൽ എഴുതുന്നത്.വാലിബന്റെ ആദ്യ പകുതി വളരെ നന്നായിരുന്നുവെന്ന അഭിപ്രായങ്ങളും പുറത്തുവന്നു.

സിനിമയിലെ മോഹൻലാലിന്റെ ദൃശ്യങ്ങള്‍ പ്രേക്ഷകരെ വിസ്‍മയിപ്പിക്കുന്നു എന്നാണ് കൂടുതൽപേരും എഴുതിയിരിക്കുന്നത്. സിനിമയുടെ ടെക്നിക്കൽ സെഡും മികവ് പുലർത്തി. മോഹൻലാലിന്റെ എന്നെന്നും ഓർത്ത് വയ്ക്കാവുന്ന ഒരു കഥാപാത്രമായി വാലിബൻ മാറും.

മോഹൻലാൽ-ലിജോ ജോസ് പെല്ലിശ്ശേരി ടീം ഒന്നിച്ചപ്പോൾ പ്രേക്ഷകർക്കുണ്ടായ പ്രതീക്ഷകൾ വെറുതെയല്ല.വാലിബനിലെ എല്ലാ കഥാപാത്രങ്ങള്‍ക്കും അര്‍ഹിക്കുന്ന പ്രാധാന്യം നൽകിയിട്ടുണ്ടെന്നും പ്രേക്ഷകർ പറയുന്നു. ചിത്രം ആവേശം ഒട്ടും കുറയ്ക്കുന്നില്ല എന്നും എന്നാൽ മോഹൻലാൽ പറഞ്ഞ പോലെ മാസ് മാത്രം പ്രതീക്ഷിച്ച് ആരും ചിത്രം കാണരുത് ആരാധകരും ഓർമ്മിപ്പിക്കുന്നു