'ലിയോ' നല്ല അഭിപ്രായങ്ങളോടെ മുന്നേറുകയാണ്. ഇന്ത്യയിൽ മാത്രമല്ല വിദേശ മാർക്കറ്റുകളിലും സിനിമയ്ക്ക് തിരക്ക് വർധിച്ചു വരുന്നു.യു‌എസ്‌എയിൽ 'ലിയോ' കാണാൻ എത്തുന്നവർ കൂടി വരുകയാണെന്നാണ് കേൾക്കുന്നത്. യുഎസ്എ പ്രീമിയറുകളിൽ നിന്നുള്ള 'ലിയോ' ബോക്‌സ് ഓഫീസ് കളക്ഷന്റെ ഏറ്റവും പുതിയ അപ്‌ഡേറ്റ് പുറത്തുവന്നു.

1.5 മില്യൺ ഡോളർ ലിയോ നേടി എന്നാണ് റിപ്പോർട്ടുകൾ. യു‌എസ്‌എ പ്രീമിയറുകളിൽ വിജയുടെ ഏറ്റവും കൂടുതൽ കളക്ഷൻ നേടിയ ചിത്രമായി ലിയോ മാറിക്കഴിഞ്ഞു.2016-ൽ പുറത്തിറങ്ങിയ രജനികാന്തിന്റെ 'കബാലി'യെ (1.9 മില്യൺ ഡോളർ) ഇവിടെ മറികടക്കുമോ എന്നത് കണ്ടറിയണം. ഔദ്യോഗിക കണക്കുകൾ പുറത്തു വന്നാലേ രജനിയുടെ ഏഴുവർഷം മുമ്പുള്ള ബോക്സ് ഓഫീസ് റെക്കോർഡ് വിജയ് ചിത്രം തിരുത്തിക്കുറിക്കുമോ എന്നത് അറിയുവാൻ ആകുകയുള്ളൂ.

'ലിയോ'യുടെ നോർത്ത് അമേരിക്കൻ ഗ്രോസ് $2 മില്യൺ കടക്കും എന്നാണ് വിവരം.യു‌എസ്‌എയിൽ ആദ്യ വാരാന്ത്യ കളക്ഷൻ 5 മില്യൺ ഡോളർ മറികടക്കുമെന്ന് പ്രതീക്ഷിക്കുന്നു.