മകള്‍ സൌന്ദര്യയുടെ വിവാഹത്തിനും വിവാഹസത്ക്കാരത്തിനും പൊലീസ് സംരക്ഷണം ആവശ്യപ്പെട്ട് രജനികാന്തിന്റെ ഭാര്യ ലത പൊലീസിനെ സമീപിച്ചതായി റിപ്പോര്‍ട്ട്.

ഫെബ്രുവരി 10ന് വിവാഹവും 12നു വിവാഹസത്ക്കാരവും നടക്കുമെന്നാണ് പുറത്തുവരുന്ന സൂചന. ഈ ദിവസങ്ങളില്‍ വസതിയോട് ചേര്‍ന്നുള്ള റോഡുകളില്‍ ട്രാഫിക് ബ്ലോക്കുണ്ടാകും. ഇത് ജനങ്ങള്‍ക്ക് അസൌകര്യമാകുമെന്നതിനാല്‍ പൊലീസ് സംരക്ഷണം വേണമെന്ന് ലത രജനികാന്തിന്റെ ആവശ്യം.

പൊലീസ് സംരക്ഷണം ആവശ്യപ്പെട്ട് ലത രജിനികാന്ത് തമിഴ്നാട് പൊലീസിന് കത്ത് നല്‍കിയതായും വാര്‍ത്തകളുണ്ട്. അതേസമയം, പുറത്തുവന്ന റിപ്പോര്‍ട്ടുകളോട് പ്രതികരിക്കാന്‍ പൊലീസ് തയ്യാറായിട്ടില്ല.

വ്യവസായിയും നടനുമായി വിശാഖൻ ആണ് സൌന്ദര്യയുടെ വരന്‍. ഇരുവരുടെയും രണ്ടാം വിവാഹമാണ്. സൌന്ദര്യ 2017ലാണ് അശ്വിനില്‍ നിന്ന് വിവാഹമോചനം നേടിയത്.