Rijisha M.|
Last Modified ചൊവ്വ, 20 നവം‌ബര്‍ 2018 (10:03 IST)
നിവിന്‍ പോളി - മോഹന്‍ലാല്‍ ചിത്രം കായംകുളം കൊച്ചുണ്ണി 100 കോടി ക്ലബിൽ ഇടം പിടിച്ചു. ബോക്സോഫീസിലെ സകല റെക്കോര്‍ഡുകളും തകര്‍ത്തെറിഞ്ഞ് റോഷന്‍ ആന്‍ഡ്രൂസിന്റെ ഈ ചിത്രം 25 ദിവസം കൊണ്ട് 70 കോടി ക്ലബിൽ ഇടം നേടിയിരുന്നു.
അതുപോലെ തന്നെ മലയാള സിനിമയില്‍ ഏറ്റവും വേഗതയില്‍ 50 കോടി ക്ലബില്‍ ഇടം‌പിടിച്ച ചിത്രമാണ് കായംകുളം കൊച്ചുണ്ണി. നിവിന്‍ പോളിയും റോഷന്‍ ആന്‍ഡ്രൂസുമാണ് ഫേസ്ബുക്ക് വീഡിയോയിലൂടെ നൂറ് കോടി ക്ലബ്ബില്‍ എത്തിയ സന്തോഷം പങ്കുവെച്ചത്.
സഞ്ജയ് - ബോബി ടീമിന്‍റെ തിരക്കഥയില്‍ പിറന്ന ഏറ്റവും വലിയ ഹിറ്റ് ആണിത്. യു എ ഇയിലും ജിസിസിയിലും കൊച്ചുണ്ണിക്ക് വലിയ ബിസിനസ് ആണ് നടന്നത്.
ഗോകുലം ഗോപാലന്‍ 45 കോടി രൂപ മുതല്‍ മുടക്കില്‍ നിര്‍മ്മിച്ച കായംകുളം കൊച്ചുണ്ണി മുടക്കു മുതലായ 45 കോടി രൂപ ഇതിനോടകം തന്നെ തിരിച്ചു പിടിച്ചു കഴിഞ്ഞു.
