നടി മഞ്ജു വാരിയര്‍ക്കെതിരെ അപകീര്‍ത്തിപരമായ പരാമര്‍ശവുമായി കൈതപ്രം ദാമോദരന്‍ നമ്പൂതിരി. ദിലീപും മഞ്ജു വാരിയറും ഒന്നിച്ചഭിനയിച്ച സിനിമയുടെ സെറ്റില്‍ നിന്ന് മഞ്ജു ഒരു പയ്യനൊപ്പം ഒളിച്ചോടിയെന്നാണ് കൈതപ്രം പറയുന്നത്. സഫാരി ചാനലിലെ ചരിത്രം എന്നിലൂടെ എന്ന പരിപാടിയിലാണ് കൈതപ്രത്തിന്റെ വെളിപ്പെടുത്തല്‍.

' തന്റെ കരിയറിലെ നാഴികക്കല്ലായ ചിത്രമാണ് സല്ലാപം. മഞ്ജുവിനെ ഈ പടത്തിലേക്ക് റെക്കമന്‍ഡ് ചെയ്തത് എന്റെ ഭാര്യയാണ്. മഞ്ജുവിനെ കുറിച്ച് ഭാര്യക്ക് നല്ല അഭിപ്രായമായിരുന്നു. ഇപ്പോഴും അങ്ങനെ തന്നെയാണ്. സിനിമ സെറ്റില്‍ ഉണ്ണിയുടെ പ്രൊഡക്ഷന്‍ മാനേജറായ ഒരു പയ്യനുണ്ടായിരുന്നു. ഇയാള്‍ മഞ്ജുവിനോട് അടുത്ത് പെരുമാറിയുന്നു,'

'ഈ പയ്യനാണ് പ്രൊഡ്യൂസറെന്ന് മഞ്ജു തെറ്റിദ്ധരിച്ചിട്ടുണ്ടാകാം. ഒരു ദിവസം ഇവരെ രണ്ടുപേരെയും കാണാനില്ല. അങ്ങനെ അന്വേഷിച്ച് നടന്നു. അവനറിയാവുന്ന ഒരു വീട്ടില്‍ അന്വേഷിച്ചപ്പോള്‍ ഇരുവരും അവിടെ ഉണ്ടായിരുന്നു. സേഫ് ആയ വീട് അതാണെന്ന് കരുതി ഈ പയ്യന്‍ മഞ്ജുവിനെ കൂട്ടി അവിടേയ്ക്കാണ് പോയത്. അങ്ങനെ തേടിപ്പിടിക്കുകയായിരുന്നു. പിന്നീട് മഞ്ജുവിനെ തിരിച്ചുകൊണ്ടുവന്ന് ഉപദേശിച്ച് ശരിയാക്കി. അങ്ങനെയാണ് ഷൂട്ടിംഗ് നടന്നത്. അതായിരുന്നു മഞ്ജുവിന്റെ ആദ്യ പ്രണയം.' കൈതപ്രം പറഞ്ഞു.