കെ ആര്‍ അനൂപ്|
Last Modified വ്യാഴം, 29 ഫെബ്രുവരി 2024 (15:29 IST)
കഥാപാത്രങ്ങള്‍ക്കായി ഏതറ്റം വരെയും പോകാന്‍ തയ്യാറുള്ള താരമാണ് ജയസൂര്യ. നടന്‍ മാസങ്ങളോളമായി ഒരു സിനിമയുടെ പുറകെയാണ്. ജയസൂര്യയുടെ കരിയറിലെ നാഴികല്ലന്ന വിശേഷിപ്പിക്കാവുന്ന കത്തനാറിന് വേണ്ടിയാണ് കരിയറിലെ നല്ല സമയം വിനിയോഗിക്കുന്നത്. ഈ സിനിമയ്ക്കായി മുടിയും താടിയും മാസങ്ങളോളമായി നീട്ടി വളര്‍ത്തിയിരിക്കുകയാണ് താരം. ഇപ്പോഴിതാ ഈ ലുക്കിലുള്ള പുതിയ ഫോട്ടോഷൂട്ട് ചിത്രങ്ങള്‍ പങ്കുവെച്ചിരിക്കുകയാണ് ജയസൂര്യ.
റോജിന്‍ തോമസ് ആണ് ചിത്രം സംവിധാനം ചെയ്യുന്നത്. ബിഗ് ബജറ്റില്‍ ആണ് സിനിമ നിര്‍മ്മിച്ചിരിക്കുന്നത്. ഐഎംഡിബി റിപ്പോര്‍ട്ട് പ്രകാരം ജയസൂര്യ ചിത്രത്തിന്റെ ബജറ്റ് 75 കോടിയാണ്.
2024 അവസാനത്തോടെ പ്രദര്‍ശനത്തിന് എത്തിക്കാനുള്ള നിര്‍മ്മാതാക്കള്‍ ശ്രമിക്കുന്നത്. ക്രിസ്മസിനോ അതിനുമുമ്പോ ആയി ചിത്രം ബിഗ് സ്‌ക്രീനില്‍ എത്തും.
