കെ ആര്‍ അനൂപ്|
Last Modified തിങ്കള്‍, 15 ഏപ്രില്‍ 2024 (09:10 IST)
'നേര്' സിനിമയിലെ ജൂനിയര്‍ വക്കീലായി വേഷമിട്ട നടി ഹരിത ജി. നായരെ മറന്നോ? മോഹന്‍ലാല്‍ അവതരിപ്പിച്ച വിജയ് മോഹന്റെ ജൂനിയറായി ഹരിത തിളങ്ങി.ശ്യാമാംബരം എന്ന സീരിയലിലെ നായിക കൂടിയാണ് നേരിലെ കുട്ടി വക്കീല്‍. നേരിന്റെ എഡിറ്റര്‍ വിനായകിന്റെ ഭാര്യ കൂടിയാണ് ഹരിത.
ബിഎസ്സി നഴ്‌സിങ് കഴിഞ്ഞ് ജോലി ചെയ്തുകൊണ്ടിരിക്കുമ്പോഴാണ് ഹരിത അഭിനയത്തിന്റെ ലോകത്തേക്ക് തിരിഞ്ഞത്. ഹരിതയുടെ പുതിയ ഫോട്ടോഷൂട്ട് ചിത്രങ്ങളാണ് ശ്രദ്ധ നേടുന്നത്.
ഭര്‍ത്താവ് വിനായകും ഹരിതയും അടുത്ത സുഹൃത്തുക്കളായിരുന്നു. കുട്ടിക്കാലം മുതലേ അടുത്ത സുഹൃത്തുക്കളായ ഇരുവരും ഒന്നിച്ചാല്‍ കൊള്ളാമെന്ന തീരുമാനം വീട്ടുകാരാണ് എടുത്തത്.
കോട്ടയം സ്വദേശിയാണ് ഹരിത. ഹരീഷ് എന്നാണ് മൂത്ത സഹോദരന്റെ പേര്. 2023 നവംബര്‍ 10-നാണ് വിനായകനെ നടി വിവാഹം ചെയ്തത്.
