ഹണി റോസിനെ കാണുമ്പോള്‍ പുരാണത്തിലെ ഒരു കഥാപാത്രത്തെ ഓര്‍മ്മ വരുമെന്ന ബോബി ചെമ്മണ്ണൂരിന്റെ പരാമര്‍ശം വിവാദമായിരിക്കുകയാണ്. ബോചെയെ വിമര്‍ശിച്ച് സോഷ്യല്‍ മീഡിയയില്‍ നിരവധിപേര്‍ കമന്റുകളിട്ടിട്ടുണ്ട്. ബോചെയുടെ പുതിയ ജ്വല്ലറിയുടെ ഉദ്ഘാടനത്തിനായി ഹണി റോസ് എത്തിയപ്പോഴാണ് സംഭവം നടക്കുന്നത്. ഉദ്ഘാടന ചടങ്ങിനെത്തിയ ഹണി റോസ് കടയിലെ നെക്ലൈസ് കഴുത്തില്‍ അണിഞ്ഞ് ഫോട്ടോയ്ക്ക് പോസ്റ്റ് ചെയ്യുമ്പോഴായിരുന്നു ബോചെയുടെ കുസൃതി.

ഹണി റോസിനെ ബോബി ചെമ്മണ്ണൂര്‍ ഒന്ന് കറക്കി. നേരെ നിന്നാല്‍ മാലയുടെ മുന്‍ഭാഗമേ കാണു, മാലയുടെ പിന്‍ഭാഗം കാണാന്‍ വേണ്ടിയാണ് കറക്കിയതെന്നായിരുന്നു ആദ്യ കമന്റ്. പിന്നാലെ ഹണി റോസിനെ കാണുമ്പോള്‍ പുരാണത്തിലെ ഒരു കഥാപാത്രത്തെ ഓര്‍മ്മ വരുമെന്നും ബോചെ പറഞ്ഞു. സ്ത്രീത്വത്തെ അപമാനിക്കുന്ന പെരുമാറ്റമെന്നായിരുന്നു അധികം പേരുടെയും വിമര്‍ശനം.