കെ ആര്‍ അനൂപ്|
Last Modified വ്യാഴം, 28 മാര്‍ച്ച് 2024 (10:54 IST)
ഇന്ത്യന്‍ സിനിമയില്‍ ഒരേ കാലഘട്ടത്തില്‍ തിളങ്ങിയ നായികമാരാണ് നയന്‍താരയും തൃഷയും. വര്‍ഷങ്ങള്‍ നീണ്ട കരിയറില്‍ ഇപ്പോഴും തുടരുന്ന ചുരുക്കം നടിമാരില്‍ ഇവരും ഉള്‍പ്പെടും. സിനിമ ജീവിതത്തില്‍ ഉയര്‍ച്ച താഴ്ചകള്‍ നേരിടേണ്ടി വന്നിട്ടുണ്ട് ഇരുതാരങ്ങള്‍ക്കും. വ്യക്തിപരമായ കാരണങ്ങള്‍ കൊണ്ട് സിനിമയില്‍ നിന്ന് നയന്‍താര വിട്ടു നിന്നപ്പോള്‍ ഉത്തരേന്ത്യന്‍ നടിമാരുടെ കടന്നു വരവ് തൃഷയെയും ബാധിച്ചിരുന്നു. മുന്‍നിര നായിക സ്ഥാനം നഷ്ടപ്പെട്ട നടിമാര്‍ വമ്പന്‍ തിരിച്ചുവരവ് നടത്തിയതും പിന്നീട് കണ്ടു.
പൊന്നിയിന്‍ സെല്‍വന്‍, ലിയോ തുടങ്ങിയ സിനിമകളുടെ വിജയം തൃഷ എന്ന നടിയുടെ താരമൂല്യം വര്‍ധിപ്പിച്ചു.കമല്‍ഹാസനൊപ്പം തഗ് ലൈഫില്‍ അഭിനയിക്കാന്‍ 10 കോടിക്ക് മുകളില്‍ തൃഷയ്ക്ക് പ്രതിഫലം ഉണ്ടെന്നാണ് വിവരം. പറഞ്ഞുവരുന്നത് പ്രതിഫലത്തിന്റെ കാര്യത്തില്‍ നയന്‍താരയെ തൃഷ മറികടക്കും എന്നതാണ്. അപ്പോള്‍ നയന്‍താര വാങ്ങുന്ന പ്രതിഫലമോ ?
നിലവില്‍ തെന്നിന്ത്യന്‍ സിനിമയില്‍ ഏറ്റവും കൂടുതല്‍ പ്രതിഫലം വാങ്ങുന്ന നടിയാണ് നയന്‍താര. ലേഡി സൂപ്പര്‍സ്റ്റാര്‍ 10 കോടിക്ക് മുകളില്‍ പ്രതിഫലം വാങ്ങുന്നുണ്ട്. എന്നാല്‍ നടിയുടെ സിനിമകള്‍ പരാജയപ്പെടുന്നത് താരം മൂല്യം ഇടിയാന്‍ കാരണമായി എന്നും പറയപ്പെടുന്നു.ജവാന്‍ എന്ന സിനിമ ഹിറ്റായെങ്കിലും നടിക്ക് ഈ സിനിമയില്‍ കാര്യമായൊന്നും ചെയ്യാനുണ്ടായിരുന്നില്ല.
